Joriy yilning 15-noyabr kuni “Zakovat arena”da “Toshkent yoshlarni sevadi” oyligi doirasida fan va ta’lim yo’nalishi bo’yicha ochiq muloqot forumi bo’lib o’tdi.

Yoshlar va mutaxassislar o’rtasida bo’lib o’tgan ushbu tadbirda Toshkent shahridagi Turin politexnika universiteti rektori Olimjon To’ychiyev, Oliy Majlis Qonunchilik Palatasi deputati Shaxnoza Joldasova, “Robocode” robototexnika akademiyasi asoschisi Abdulaziz Yakubov, jurnalist Sarvarbek Bahodirov, xalqaro toifadagi o’qituvchi, auditor, buxgalter Ne’matullo Zuvaydullayev ishtirok etdi.

Olimjon To’ychiyev o’z nutqida turli sohalarda sun’iy intellektning ahamiyati va uni ta’lim tizimiga joriy etilishi, xususan, TTPUda amalga oshirilayotgan innovatsion loyihalar va talabalarning bu sohadagi yutuqlari haqida batafsil ma’lumot berdi.

Tadbirda sun’iy intellektning bugungi kunda qo’llanilish sohalari, kelajakdagi istiqbollari bilan bir qatorda innovatsion loyihalar va startap loyihalar haqida qizg’in muhokamalar bo’lib o’tdi. Shuningdek, ishtirokchilar o’zlarining qiziqtirgan savollariga soha mutaxassislari tomonidan atroflicha javob olish imkoniyatiga ega bo’ldilar.