“Gibrid elektr transport vositalari (HEVs) uchun optimallashtirilgan energiya boshqaruv tizimini (EMS) ishlab chiqish va elektron boshqaruv bloki (ECU) bilan integratsiyalashgan “hardware-in-loop” (HIL) simulyatorida eksperimental sinov orqali uning samaradorligini tekshirish” amaliy loyihasi doirasida Toshkent shahridagi Turin politexnika universiteti laborator asbob-uskunalarni xarid qilish bo‘yicha tanlov e’lon qiladi.
Toshkent shahridagi Turin politexnika universiteti quyidagi tartib va talablar asosida tanlov o‘tkazadi:
- Xarid qilinadigan asbob-uskunalar ro‘yxati va texnik tavsifi 1-ilovada keltirilgan.
- Tanlovda ishtirok etish uchun talabgorlardan quyidagi hujjatlar talab etiladi:
- Universitet nomiga tanlovda ishtirok etish to‘g‘risida ariza;
- Davlat ro‘yxatidan o‘tganlik to‘g‘risida guvohnoma;
- Korxona ustavi;
- Talabgorning asosiy faoliyat turi tanlov maqsadlariga mosligi;
- 2024-yil yakuni bo‘yicha soliq organlariga topshirilgan balans;
- Soliqlar va boshqa majburiy to‘lovlar bo‘yicha qarzdorligi yo‘qligi haqida ma’lumotnoma;
- Insofsiz ijrochilarning yagona reyestrida joylashmaganligi haqida ma’lumot;
- O‘xshash asbob-uskunalarni yetkazib berish bo‘yicha tajriba mavjudligini tasdiqlovchi hujjatlar;
- Tanlov texnik topshirig‘iga muvofiq moliyaviy va texnik takliflar (yetkazib berish va to‘lov shartlari bilan);
- Kafolat xati.
- Tanlov g‘olibi laborator asbob-uskunalarga 12 oylik kafolat bergan holda, ularni universitet tomonidan ko‘rsatilgan manzilga yetkazib berish, zarur hollarda o‘rnatish va hodimlarni foydalanishga o‘rgatish majburiyatini oladi.
- Tijorat takliflari o‘zbek, rus yoki ingliz tillarida taqdim etilishi mumkin.
- Takliflar quyidagi manzillarga yuborilishi lozim: rasmiy elektron pochta info@polito.uz orqali hamda qog‘oz shaklida Toshkent shahri, Olmazor tumani, Kichik Xalqa yo‘li ko‘chasi, 17-uy manziliga. Takliflarni topshirishning oxirgi muddati — tanlovning yakuniy kuni soat 18:00 gacha.
- Tanlov universitetning rasmiy veb-saytida e’lon qilingan kundan boshlab kuchga kiradi va 5 kalendar kun davom etadi.
- Qo‘shimcha ma’lumot uchun quyidagi telefon raqamiga murojaat qilishingiz mumkin: (+998 97) 984-11-92 (mas’ul shaxs: G. Yaxshiyeva)
