Joriy yilning 20-noyabr kuni Toshkent shahridagi Turin politexnika universitetida Oʻzbekiston va Yevropa Ittifoqi “Barqaror energetika Kunlari” doirasida energetika sohasidagi ekspertlar maʼruzalari boʻlib oʻtdi. Tadbir avvalida, mehmonlar uchun TTPU boʻylab tur tashkil etilib, Universitet faoliyati, xususan professor-oʻqituvchilar ilmiy tadiqqotlari va talabalar ishlanmalari bilan yaqindan tanishtirildi. Tadbirni TTPU Moliyaviy-iqtisodiy ishlar va innovatsiyalar boʻyicha prorektori Jaloliddin Yusupov va Yevropa Ittifoqining Oʻzbekistondagi delegatsiyasi Hamkorlik boʻlimi rahbari Vim Riepma kirish soʻzlari bilan ochib berdilar. Energiya boʻyicha bosh ekspert, SECCA Ekspertlar guruhi rahbari Paata Janelidze, Energetika va iqlim oʻzgarishi sohasidagi mutaxassis Jaqsiliq Toqayev, Innovatsion rivojlanish agentligi Tarmoq korxonalarida innovatsion ekotizimni rivojlantirish boshqarmasi bosh mutaxassisi Shuhrat Isayev…

Toshkent shahridagi Turin politexnika Universiteti (TTPU) Erasmus+ I2PLEDGE loyihasi doirasida Malaka oshirish va qayta tayyorlash markazi o‘z ishini boshladi. Mazkur markaz TTPUning Maxsus Laboratoriyasida joylashgan va uning barcha infratuzilmasi va imkoniyatlaridan foydalanadi. Markazda o‘zining ilmiy-amaliy tajribalarini oshirishni maqsad qilgan professor-o‘qituvchilar va mutaxassislar uchun zamonaviy treninglarni tashkil etilmoqda, xususan Mexanika va Aerokosmik muhandislik, Avtomatik boshqaruv, shuningdek Kompyuter muhandisligi kafedralarining 10 nafar professor-o‘qituvchilari Biotibbiyot muhandisligi yo‘nalishidagi treningda ishtirok etib, o'zlarining ilmiy va amaliy tajribalarini oshirmoqdalar.Bundan tashqari, markaz sog‘liqni saqlash, biotibbiyot va diagnostika sohalarida faoliyat yuritayotgan hodimlarga o’z malaka darajasini oshirish imkonini beruvchi kasbiy rivojlanish kurslarini taklif etmoqda. Ushbu kurslar nafaqat zamonaviy texnologiyalarni,…

Joriy yilning 16-noyabr kuni Toshkent shahridagi Turin politexnika universitetida “Graduation Ceremony - 2024” diplom topshirish marosimi bo‘lib o‘tdi. Tadbirda Oliy ta’lim, fan va innovatsiyalar vaziri Sharipov Kongratbay Avezimbetovich, Italiyaning O‘zbekistondagi favqulodda va muxtor elchisi Agostino Pinna, Nobel mukofoti laureati Rae Kwon Chung, Toshkent shahridagi Turin politexnika universiteti rektori To‘ychiyev Olimjon Alijonovich, Italyan prorektorlar Alberto Sapora va Stefano Paolo Pastorelli kabi nufuzli mehmonlar, shuningdek, TTPU hamda Politecnico di Torino professor-o‘qituvchilari, universitet bitiruvchi talabalari va ularning oila a’zolari, do‘stlari ishtirok etdi. Tadbir boshida O‘zbekiston Respublikasi Davlat madhiyasi yangradi. Shundan so‘ng, mehmonlar birin-ketin so‘zga chiqib, bitiruvchi-talabalarga kelgusi ishlariga omad va zafarlar tiladilar. Bitiruvchilarga…

Joriy yilning 15-noyabr kuni Toshkent shahridagi Turin politexnika universitetida tajribali prodyuser, SMM va IT loyihalari koordinatori Nodira Muminovaning "SMM va prodakshn" mavzusidagi mehmon ma'ruzasi bo'lib o’tdi. Ushbu tadbirda TTPU talabalari SMMdagi zamonaviy trendlar, amaliy keyslar va muvaffaqiyatli SMM jamoasini yaratish va boshqarish uchun zarur strategiyalar bo'yicha ma'lumotlarga ega bo'lishdi. Shuningdek, Nodira Muminova talabalar bilan o'zining raqamli marketing sohasidagi ajoyib karyerasini shakllantirgan muhim qadamlar va tajribalari bilan o’rtoqlashdi.

Joriy yilning 15-noyabr kuni "Zakovat arena"da “Toshkent yoshlarni sevadi” oyligi doirasida fan va ta'lim yo'nalishi bo'yicha ochiq muloqot forumi bo'lib o'tdi. Yoshlar va mutaxassislar o'rtasida bo'lib o'tgan ushbu tadbirda Toshkent shahridagi Turin politexnika universiteti rektori Olimjon To'ychiyev, Oliy Majlis Qonunchilik Palatasi deputati Shaxnoza Joldasova, "Robocode" robototexnika akademiyasi asoschisi Abdulaziz Yakubov, jurnalist Sarvarbek Bahodirov, xalqaro toifadagi o'qituvchi, auditor, buxgalter Ne'matullo Zuvaydullayev ishtirok etdi. Olimjon To'ychiyev o'z nutqida turli sohalarda sun'iy intellektning ahamiyati va uni ta'lim tizimiga joriy etilishi, xususan, TTPUda amalga oshirilayotgan innovatsion loyihalar va talabalarning bu sohadagi yutuqlari haqida batafsil ma'lumot berdi. Tadbirda sun'iy intellektning bugungi kunda qo'llanilish sohalari, kelajakdagi…

Joriy yilning 12-13-noyabr kuni “Qurilish konstruksiyalari, bino va inshootlar (05.09.01)”, “Texnologik jarayonlar va ishlab chiqarishlarni avtomatlashtirish va boshqarish (05.01.08)”, “Matematik modellashtirish. Sonli usullar va dasturlar majmui (05.01.07)”, “G‘ildirakli va gusenitsali mashinalar va ularni ishlatish (05.08.06)” va “Ehtimollar nazariyasi va matematik statistika (01.01.05)” ixtisosliklari bo‘yicha tayanch doktoranturaga kirish imtihonlari bo‘lib o‘tdi. Imtihon natijalariga ko‘ra, saralab olingan munosib nomzodlarni tabriklaymiz va ularning kelgusidagi faoliyatlariga muvaffaqiyatlar tilaymiz!

Joriy yilning 9-noyabr kuni Toshkent shahridagi Turin politexnika universitetida 1-bosqich talabalar ota-onalari uchun majlis bo'lib o'tdi. TTPU rektori O.To'ychiyev, prorektor, kafedra mudirlari, professor-o'qituvchilar hamda tyutorlar ishtirokida bo'lib o'tgan ushbu yig'ilishda Universitet vakillari tomonidan talabalarning dars jarayonlari qanday tashkil etilgani, LMS ta'lim platformasi orqali fanlarni o‘zlashtirish va vazifalarni bajarish tizimi haqida batafsil ma’lumot berildi. Shuningdek, ota-onalarga talabalarning kundalik o‘quv jadvali, baholash mezonlari va akademik yordam xizmatlari haqida so‘z yuritildi.

Bugun, 9-noyabr kuni Oliy ta’lim, fan va innovatsiyalar vazirligi tomonidan "Yashil makon" umummilliy loyihasi doirasida umumrespublika marafoniga start berildi. “Yashil makon” loyihasi doirasida bo‘lib o‘tayotgan mevali, manzarali va buta ko'chatlarini ekish jarayoni butun respublika bo‘ylab qizg‘in davom etmoqda. Xususan, Toshkent shahridagi Turin politexnika universitetida ko'kalamzorlashtirish tadbiri ko'tarinki ruhda bo'lib o'tdi. Unda TTPU rektori O.To'ychiyev boshchiligidagi universitet jamoasi hamda talabalari faol ishtirok etib, TTPU hududida 150 ta tup manzarali daraxt ko'chatlarini o'tkazdi.

Joriy yilning 5-noyabr kuni Toshkent shahridagi Turin politexnika universitetida dastur doirasida ilk uchrashuv o‘tkazildi. Unda Ecomobile Group kompaniyasining texnik direktori Nazar Avezov va universitet talabalari ishtirok etdi. Tadbir davomida startap akseleratsiya dasturining maqsad va yo‘nalishlari, ishtirokchilar uchun yaratilgan imkoniyatlar va qo‘llab-quvvatlash xizmatlari haqida batafsil ma’lumot berildi. Mazkur dastur orqali talabalarda kelajakdagi tadbirkorlik faoliyati uchun zarur bilim va ko‘nikmalarni shakllantirish, shuningdek, ularning o‘z startap g‘oyalarini tijoratlash bosqichigacha olib kelishga ko‘maklashish ko‘zda tutilgan.

Joriy yilning 5-noyabr kuni Toshkent shahridagi Turin politexnika universitetiga Chexiya Respublikasining Toshkentdagi elchisining o'rinbosari janob Daniel Geler, Chexiyaning Ostrava texnika universiteti rektori Vatslav Snasel va professori Vitezslav Stiskalalar tashrif buyurdi. Tashrif davomida mehmonlarni Universitet faoliyati, xususan, ilmiy tadqiqot natijalari hamda talabalar tomonidan amalga oshirilayotgan ishlanmar bilan yaqindan tanishtirildi. Shuningdek, tashkil etilgan uchrashuv davomida hamkorlik aloqalarini yanada mustahkash masalalari muhokama qilinib, talabalar almashinuv dasturini birgalikda tashkil etishga kelishib olindi va hamkorlik shartnomasi imzolandi.

Biz Turin Startup Accelerator (tsa) – innovatsion va ekologik toza loyihalarni qo'llab-quvvatlovchi dastur ishga tushirilishini e'lon qilamiz. Agar sizda atrof-muhitni yaxshilash g'oyasi bo'lsa va uni hayotga tatbiq etishni istasangiz, bu sizning imkoniyatingiz. Maqsadlar:🔺Barqaror rivojlanishni qo'llab-quvvatlash va atrof-muhitga ta'sirini kamaytirish.🔺Tadbirkorlik ko'nikmalarini rivojlantirish va biznes bo'yicha treninglar o'tkazish.🔺Moliyaviy, yuridik, patent va buxgalteriya yordamini taklif qiling.🔺Bo'lajak muhandis va dizaynerlarni kutib olib, texnologiyaga e'tibor qarating. Foydalar:🔺Eng yaxshi loyihalarni moliyalashtirish🔺Mutaxassislardan maslahat🔺Patent va huquqiy himoya🔺Psixologik yordam📅 Kun & Vaqt: 5 noyabr (bugun) soat 16.00 da📍 Manzil: TTPU, Grey hall

Joriy yilning 28-oktabr kuni Toshkent shahridagi Turin politexnika universitetiga Nobel mukofoti laureati Rae Kwon Chung tashrif buyurdi. Tashrif doirasida universitet faoliyati haqida ma’lumot berilib, universitet talabalari tomonidan amalga oshirilayotgan ishlanmalar bilan tanishtirildi. Shuningdek, TTPU talabalari uchun mehmon maruzasi bo’lib o’tdi. Unda Rae Kwon Chung ushbu tabiat hodisasining global muammolari, uning sabablari va oqibatlari to’g’risida batafsil ma’lumot berib, oʻzining iqlim oʻzgarishi haqidagi bilim va tajribasi bilan oʻrtoqlashdi. Maʼruza davomida u energiya samaradorligi, qayta tiklanuvchi energiya manbalari va atrof-muhitni muhofaza qilishning ahamiyati haqidagi nutqi talabalarni iqlim oʻzgarishi bilan bogʻliq dolzarb masalalar haqida chuqur fikr yuritishga sabab bo'ldi. Tadbir yakunida talabalar mavzuga doir…

Joriy yilning 29-oktabr kuni Isteʼdodli yoshlarni qoʻllab-quvvatlash “Ulugʻbek” jamgʻarmasida TTPU rektori “Muhandislik kasbiga jalb qilish va uning kelajakdagi istiqbollari” mavzusida maʼruza qildi Unda Isteʼdodli yoshlarni qoʻllab-quvvatlash “Ulugʻbek” jamgʻarmasi raisi, akademik Salimov Oqil Umurzoqovich, Oliy taʼlim, fan va innovatsiyalar vaziri oʻrinbosari Maxkamov Otabek Muxtarovich, Toshkent shahridagi Turin politexnika universiteti rektori Toʻychiyev Olimjon Alijonovich, shuningdek mahalliy OTMlar rahbarlari, professor-oʻqituvchilar, kasb-hunar maktabi, kollej va texnikum direktorlari hamda ilmiy izlanuvchilar ishtirok etdi. Tadbirni Isteʼdodli yoshlarni qoʻllab-quvvatlash “Ulugʻbek” jamgʻarmasi raisi, akademik O.Salimov kirish soʻzi bilan ochib berib, soʻzni maʼruzachilarga berdi. Vazir oʻrinbosari O.Maxkamovning “Professional taʼlim tizimini modernizatsiya qilish” mavzusidagi maʼruzasidan soʻng, TTPU rektori O.Toʻychiyev bugunning muhandislari ilm-fan…

Joriy yilning 28-oktabr kuni Ozarbayjon Texnika Universiteti rektori Vilayat Valiev rahbarligidagi delegatsiya Toshkent shahridagi Turin politexnika universitetiga tashrif buyurdi. Tashrif doirasida mehmonlar uchun Universitet infrastrukturasi, talabalar uchun yaratilgan shart-sharoitlar hamda talabalar yutuqlari tanishtirilib, uchrashuv tashkil etildi. Unda akademik hamkorlik, talabalar almashinuvi dasturlarini amalga oshirish, qo‘shma ilmiy loyihalarni ishlab chiqish kabi masalalar muhokama qilinib, ushbu yo'nalishlarda ikki tomonlama hamkorlikni yo'lga qo'yish bo'yicha o'zaro hamkorlik Memorandumi imzolandi.

Joriy yilning 25-oktabr kuni Toshkent shahridagi Turin politexnika universiteti talabalari, akademik litsey, "Sehriyo" maktabi va Al-Beruniy International school o'quvchilari uchun Jizzax viloyatidagi "BYD Uzbekistan Factory" MChJ qo'shma korxonasiga ekskursiya tashkil etildi. Talaba yoshlarni ishlab chiqarish jarayoni bilan yaqindan tanishtirish hamda ta'lim va sanoat integratsiyasini samarali yo'lga qo'yish maqsadida tashkil etilgan mazkur tadbirda qo'shma korxona vakillari tomonidan korxona faoliyati, tarixi, bino quvvati yuzasidan taqdimot ma'ruzalari qilindi. So'ngra, talabalar zavodning payvandlash, bo'yoqlash va yig‘ish bo'limlariga tashrif buyurib, eletromobillarni ishlab chiqarishning to‘liq jarayonini ko‘rish imkoniyatiga ega bo'ldilar.

Milliy Erasmus+ Ofisi (NEO) 2024 yil 25-oktyabr kuni Toshkentdagi Turin Politexnika Universiteti, Oliy ta’lim tslohotlari bo‘yicha milliy ekspertlar guruhi (HEREs) va O‘zbekiston Respublikasi Oliy ta’lim, fan va innovatsiyalar vazirligi bilan hamkorlikda “Erasmus+ klaster uchrashuvi CBHE loyihalarining muhandislik sohasidagi ta'siri, universitet-sanoat va universitet-jamiyat hamkorligini mustahkamlash” mavzusida Erasmus+ Klaster Uchrashuvi o'tkazildi. Tadbir avvalida mehmonlar uchun TTPU bo'ylab tur tashkil etilib, universitet faoliyatini yaqindan tanishtirildi. Uchrashuvda Oliy ta'lim, fan va innovatsiyalar vazirining o'rinbosari Otabek Mahkamov, Toshkent shahridagi Turin politexnika universiteti rektori Olimjon To'ychiyev, Erasmus + Milliy Ofisi (NEO) koordinatori Aziza Abdurahmonova va CBHE loyihasining mahalliy koordinatorlari va guruh a’zolari, Oliy ta’lim islohotlari bo‘yicha…

Joriy yilning 22-oktabr kuni Toshkent shahridagi Turin politexnika universiteti rektori Olimjon To'ychiyev va Koreya milliy transport universiteti (KNUT) dekani Professor Ryumduk Oh ishtirokida uchrashuv tashkil etildi. Uchrashuv davomida istiqboldagi rejalar, O'zbekistonda sun'iy intellekt va yashil iqtisodiyot sohalarini rivojlantirishga qaratilgan qo'shma loyihalar muhokama qilindi. Tadbir yakunida ta'lim jarayoniga sun'iy intellektni joriy etish, ushbu yo'nalish bo'yicha qo'shimcha seminar treninglar, maktab va akademik litsey o'quvchilari hamda o'qituvchilari uchun koreyalik professor-o'qituvchilar tomonidan o'quv kurslarini hamkorlikda olib borish bo'yicha kelishuvlarga erishildi.

Joriy yilning 16-19-oktabr kunlari Turkiyaning Erzurum shahrida Turkiya Respublikasi Milliy ta'lim vazirligi 16-Xalqaro robotlar musobaqasi (MEB robot yarışması) bo'lib o'tmoqda. Tadbirda 17 davlatdan 80 ta jamoa, shu jumladan Toshkent shahridagi Turin politexnika universiteti "Cosmos Innovation" jamoasi o'zining "Body Tester" nomli (birinchi o'zbek robo doktori) innovatsion loyihasi bilan Mustaqil loyiha (Serbest Proje) yo'nalishi bo'yicha ishtirok etmoqda. Turkiyalik hakam va mutaxassislar jamoa asoschisi Asadbek Urunov tomonidan taqdimot qilinayotgan mazkur ishlanmaga katta qiziqish bildirmoqda.

TTPU bitiruvchisi Shahbozbek Abdunabiev Politecnico di Torino (Italiya) professori Daniella Tordella ilmiy rahbarligida "Radiozonde klaster tarmog‘i: atmosfera bulutlari ichidagi lagranj tebranishlarini kuzatish uchun yangi yondashuv" mavzusida PhD dissertatsiyasini Politecnico di Torino (Italiya)ning Amaliy fanlar va texnologiyalar kafedrasida muvaffaqiyatli himoya qildi.

Joriy yilning 17-oktabr kuni Toshkent shahridagi Turin politexnika universitetida Swift Launch jamoasi tomonidan talabalar uchun startapning ahamiyati va tadbirkorlik yo'li haqidagi ma'ruza bo'lib o'tdi. Tadbirda Oʻzbekistonning sobiq elchisi, "UZVC" milliy venchur jamgʻarmasi Kuzatuv kengashi raisi Dr. Alisher Shayxov mehmon spiker sifatida ishtirok etdi. TTPU rektori O.To'ychiyev kirish so'zi bilan ochib bergan mazkur tadbir startap va innovatsiyalarga qiziquvchi talabalar uchun manfaatli bo'lib, unda talabalar qanday qilib o'z biznesini yo'lga qo'yishi mumkinligini, g'oyalar muvaffaqiyatli loyihalarga aylanishi, shu bilan birga TTPU va Swift Launch kompaniyasi hamkorligida tashkil etilayotgan biznes-inkubatorining imkoniyatlari va tartibi haqida ma'lumot berildi.