“Ponte Japan LLC” vakillarining TTPUga tashrifi

  • Post category:Yangiliklar

2025-yil 21-noyabr kuni Toshkent shahridagi Turin politexnika universitetida “Ponte Japan LLC” kompaniyasi vakillari bilan uchrashuv bo‘lib o‘tdi. Tashrifdan maqsad – universitetda Yapon tili markazini ochish va o‘zaro hamkorlik imkoniyatlarini muhokama qilish bo‘ldi. Uchrashuv doirasida:Delegatsiya universitet laboratoriyalari, o‘quv jarayoni va mavjud til kurslari bilan tanishdi. Tomonlar TTPUda Yapon tili o‘qitish kurslarini yo‘lga qo‘yish, talabalar uchun yuqori darajada o‘qitish tizimini joriy etish hamda kelgusida Yaponiyada amaliyot va ish imkoniyatlarini yaratish bo‘yicha muzokaralar olib bordilar. Muzokaralar yakunida tomonlar ikki tomonlama hamkorlikni kengaytirish va birgalikdagi loyihalarni amalga oshirish borasida kelishib oldilar.

Continue Reading“Ponte Japan LLC” vakillarining TTPUga tashrifi

O‘zbekiston–Germaniya universitetlari rektorlari birinchi forumi doirasida

  • Post category:Yangiliklar

Oliy ta’lim, fan va innovatsiyalar vazirining birinchi o‘rinbosari Sardor Rajabov, vazirlik vakillari hamda Toshkent shahridagi Turin politexnika universiteti rektori Olimjon To’ychiyev Anhalt amaliy fanlar universiteti kampusiga tashrif buyurdilar. Tashrif davomida delegatsiya universitetning laboratoriyalari, ilmiy markazlari va o‘quv auditoriyalari bilan tanishdi va professor-o‘qituvchilar bilan fikr almashdi, hamda ikki tomonlama akademik hamkorlik istiqbollari muhokama qilindi. Ushbu tashrif O‘zbekiston va Germaniya oliy ta’lim muassasalari o‘rtasidagi ilmiy-innovatsion hamkorlikni yanada kuchaytirishga xizmat qiladi.

Continue ReadingO‘zbekiston–Germaniya universitetlari rektorlari birinchi forumi doirasida

TTPUda Ilmiy-amaliy konferensiya

  • Post category:Yangiliklar

2025-yil 20-noyabr kuni Toshkent shahridagi Turin politexnika universitetida “O‘zbekistonda sanoat iqtisodiyotining barqaror rivojlanish tendensiyalari va ularning ta’lim jarayoni bilan bog‘liqligi” mavzusida Ilmiy-amaliy konferensiya bo‘lib o‘tdi. Konferensiyada iqtisodiyot va menejment, ishlab chiqarishni boshqarish, ta’lim va texnologiya, moliyaviy texnologiyalar, texnologik rivojlanish uchun iqtisodiy siyosat, axborot va kommunikatsiya texnologiyalari kabi dolzarb yo‘nalishlar keng muhokama qilindi. Tadbirda oliy ta’lim muassasalari vakillari, tadqiqotchilar, soha mutaxassislari hamda talabalar ishtirok etib, o‘z ilmiy natijalarini taqdim etdilar, ilg‘or tajribalar bilan o‘rtoqlashdilar va iqtisodiyotni barqaror rivojlantirishga oid yangi qarashlarni muhokama qildilar. Konferensiya kasbiy muloqot, akademik hamkorlikni mustahkamlash va ta’lim hamda sanoat o‘rtasidagi aloqalarni yanada yaqinlashtirishda muhim maydon bo‘lib xizmat…

Continue ReadingTTPUda Ilmiy-amaliy konferensiya

TTPU va Singapur xalqaro maktabi o’rtasidagi ta’lim hamkorligi

  • Post category:Yangiliklar

2025-yil 18-noyabr kuni Toshkent shahridagi Turin politexnika universiteti (TTPU) va Singapur xalqaro maktabi o‘rtasida yangi ta’lim hamkorligi doirasida maktabning 11-sinf o‘quvchilari bilan uchrashuv o‘tkazildi. Hamkorlik “NCC Education” ta’lim tashkilotining Level 3 International Foundation Diploma dasturini o‘qitishga yo‘naltirilgan bo‘lib, ushbu dastur o‘quvchilarga xalqaro ta’lim standartlariga muvofiq tayyorgarlik ko‘rish va keyinchalik oliy ta’limni mamlakatimiz yoki xorijdagi yetakchi universitetlarda davom ettirish imkonini beradi. Tadbirda TTPU prorektori B.Yoqubov hamda o‘quv-uslubiy bo‘lim mutaxassisi X.Nurmuxamedov ishtirok etib, dastur mazmuni, ta’lim jarayoni va imkoniyatlari haqida batafsil ma’lumotlar berishdi. Uchrashuv davomida o‘quvchilar va ota-onalarning savollariga javob berildi hamda o‘qishga qiziqish bildirgan nomzodlar bilan uch tomonlama shartnomalar imzolandi.

Continue ReadingTTPU va Singapur xalqaro maktabi o’rtasidagi ta’lim hamkorligi

“Konstitutsiya — erkin va farovon hayot garovi” mavzusida ilmiy maqolalar tanlovi

  • Post category:E'lonlar

Hurmatli talabalar, magistrlar, mustaqil tadqiqotchilar va tayanch doktorantlar!Toshkent shahridagi Turin politexnika universitetida O‘zbekiston Respublikasi Konstitutsiyasining jamiyat va davlat hayotidagi o‘rni, fuqarolarning huquq va erkinliklarini kafolatlashdagi roli, amalga oshirilayotgan konstitusiyaviy islohotlarning mazmuni va natijalarini ilmiy tahlil qilishga qaratilgan izlanishlarni rag‘batlantirish maqsadida “Konstitutsiya — erkin va farovon hayot garovi” mavzusida ilmiy maqolalar tanlovi e’lon qilinadi. Eng yaxshi ilmiy maqola muallifi sertifikat va esdalik sovg‘alari bilan taqdirlanadi. Baholashda quyidagilar inobatga olinadi: ilmiy yangilik, mavzuning chuqur va puxta yoritilishi, amaliy ahamiyati. Ishtirok etish tartibi:Ilmiy maqolalar 2025-yil 24-noyabrgacha 102-xonaga topshiriladi. Qo‘shimcha ma’lumot uchun:+998-71-246-40-87 Barchani tanlovda faol ishtirok etishga va o‘z ilmiy salohiyatingizni namoyon etishga taklif…

Continue Reading“Konstitutsiya — erkin va farovon hayot garovi” mavzusida ilmiy maqolalar tanlovi

TTPU, Kempten Amaliy Fanlar Universiteti va KIUT o‘rtasida hamkorlik kengaymoqda

  • Post category:Yangiliklar

2025-yil Germaniyada bo‘lib o‘tayotgan Germaniya–O‘zbekiston Rektorlar Forumi doirasida, Toshkent shahridagi Turin politexnika universiteti rektori Olimjon To'ychiyev, Germaniyaning Kempten Amaliy fanlar universiteti professori Arthur Kolb hamda Toshkent shahridagi Kimyo texnologiyalari universiteti (KIUT) prorektori Jamshid Kaniyev o‘rtasida uch tomonlama hamkorlik to‘g‘risidagi memorandum rasmiy imzolandi. Imzolangan memorandum quyidagi yo‘nalishlarni qamrab oladi: professor-o‘qituvchilar va talabalar uchun akademik almashinuv dasturlari; yozgi maktablarni birgalikda tashkil etish; ilmiy tadqiqotlar va innovatsion loyihalarda hamkorlik; universitet–sanoat integratsiyasini rivojlantirish. Ushbu kelishuv universitetlar o‘rtasidagi strategik hamkorlikni mustahkamlaydi hamda Germaniya–O‘zbekiston ta’lim va ilmiy aloqalarini yanada kengaytirishga xizmat qiladi.

Continue ReadingTTPU, Kempten Amaliy Fanlar Universiteti va KIUT o‘rtasida hamkorlik kengaymoqda

Germaniya–O‘zbekiston Rektorlar Forumida TTPU uchun hamkorlikning yangi bosqichi

  • Post category:Yangiliklar

2025-yil 18-noyabr kuni Germaniyada bo‘lib o‘tayotgan Germaniya–O‘zbekiston Rektorlar Forumi doirasida, Toshkent shahridagi Turin politexnika universiteti (TTPU) rektori Olimjon To'ychiyev va Anhalt amaliy fanlar universiteti – Hochschule Anhalt (HSA) rektori prof. Jörg Bagdahn o‘rtasida akademik hamkorlikni yangi bosqichga olib chiqadigan o‘zaro hamkorlik to‘g‘risidagi memorandum imzolandi. Tadbir Germaniyadagi O‘zbekiston Respublikasining Elchixonasi binosida o‘tkazildi va ikkala davlat oliy ta’lim muassasalari rahbarlarini bir joyga jamladi. Ushbu memorandum ikki universitet o‘rtasida uzoq muddatli va strategik hamkorlik, jumladan, qo‘shma ta’lim dasturlarini joriy etish va rivojlantirish (1+1 hamda ikki diplomli magistratura dasturlari), professor-o‘qituvchi va talabalar almashinuvi dasturlari, qo‘shma ilmiy tadqiqot loyihalarini ishlab chiqish uchun mustahkam platforma yaratadi.

Continue ReadingGermaniya–O‘zbekiston Rektorlar Forumida TTPU uchun hamkorlikning yangi bosqichi

Toshkentdagi Turin Politexnik Universitetida “‘Digital Twin’ tizimlarida kollaborativ robototexnika uchun invers kinematika usullarini ishlab chiqish va joriy etish” mavzusida ilmiy seminar o‘tkaziladi.

  • Post category:E'lonlar

Ma’ruzachi: Abdurahim NabijonovSana: 21 noyabr, 2025Vaqt: 16:00Joy: TTPU, Green Hall Seminar davomida kollaborativ robotlar (cobots) uchun mavjud invers kinematika yechimlarini ko‘rib chiqish orqali ularning intuitiv boshqaruvi, aniqligi va moslashuvchanligini oshirish masalalari yoritiladi. Tadqiqotning asosiy yo‘nalishlaridan biri — qo‘l bilan boshqarishni osonlashtirish uchun raqamli egizak tizimini (digital twin) yaratish bo‘lib, u vazifalarni rejalashtirish va bajarish jarayonida real vaqt rejimidagi vizualizatsiya va fikr-mulohaza imkonini beradi. Seminar barcha professorlar, tadqiqotchilar, PhD izlanuvchilari, magistrantlar va ushbu yo‘nalishga qiziquvchilar uchun ochiq.

Continue ReadingToshkentdagi Turin Politexnik Universitetida “‘Digital Twin’ tizimlarida kollaborativ robototexnika uchun invers kinematika usullarini ishlab chiqish va joriy etish” mavzusida ilmiy seminar o‘tkaziladi.

TTPU va “Jinting Automobile Electric” o‘rtasida hamkorlik yo‘lga qo‘yildi

  • Post category:Yangiliklar

2025-yil 19-noyabr kuni Toshkent shahridagi Turin politexnika universitetida “Jinting Automobile Electric” kompaniyasi (Bosh direktor – Yao Jingyu) vakillari bilan uchrashuv bo‘lib o‘tdi. Suhbat davomida sanoat ehtiyojlariga mos yuqori malakali mutaxassislar tayyorlash, ta’lim jarayonini ishlab chiqarish bilan yanada yaqinlashtirish, talabalar va bitiruvchilar uchun haq to'lanadigan amaliyot, hamkorlikning ustuvor yo‘nalishlarini kengaytirish masalalari muhokama qilindi. Mazkur hamkorlik TTPU talabalari va bitiruvchilari uchun real ishlab chiqarish muhitida amaliy tajriba orttirish imkoniyatlarini kengaytiradi, sanoatga malakali kadrlar tayyorlash jarayonini yangi bosqichga olib chiqadi. Tashrif yakunida TTPU va “Jinting Automobile Electric” o‘rtasida bitiruvchi talabalar malakasini oshirish hamda amaliyot orqali tajriba orttirish imkoniyatlarini kengaytirishni nazarda tutuvchi o‘zaro anglashuv…

Continue ReadingTTPU va “Jinting Automobile Electric” o‘rtasida hamkorlik yo‘lga qo‘yildi

“Uzbegim” loyihasi doirasidagi uchrashuv – Berlin

  • Post category:Yangiliklar

Joriy yilning 18-noyabr kuni Toshkent shahridagi Turin politexnika universiteti (TTPU) rektori Olimjon To'ychiyev Berlin shahrida yashab, Tesla kompaniyasining Autopilot AI loyihasida faoliyat yuritgan o‘zbek texno-tadbirkori Jaloliddinmirzo Shukhratov bilan “Uzbegim” loyihasi doirasida uchrashuv o‘tkazdi. Suhbat davomida rektor Olimjon To'ychiyev, loyiha bo'yicha tashabbusni to‘liq qo‘llab-quvvatlashini bildirib, TTPU ushbu loyihani amaliyotga tatbiq etishda hamkorlikka tayyor ekanini ta’kidladi. Universitetning iqtidorli talabalari, ilmiy salohiyati va kengayib borayotgan innovatsion infratuzilmasi “Uzbegim” loyihasi rivojiga ulkan hissa qo‘shishi qayd etildi. O‘z navbatida, Jaloliddinmirzo Shukhratov rektorning ochiqligi va strategik qarashlariga minnatdorlik bildirib, shunday dedi:“Agar O‘zbekistonda o‘qish imkoniyatim bo‘lganida, men albatta TTPUni tanlagan bo‘lardim”

Continue Reading“Uzbegim” loyihasi doirasidagi uchrashuv – Berlin

Shanxay Zhiguang Politexnika kolleji vakillarining TTPUga tashrifi

  • Post category:Yangiliklar

2025-yil 18-noyabr kuni Toshkent shahridagi Turin politexnika universitetiga Hua Yue — Shanxay Zhiguang Politexnika kolleji “Inson yashash muhiti va Arxitektura dizayni” yo'nalishi raisi boshchiligidagi delegatsiya tashrif buyurdi. Tashrif doirasida mehmonlar universitet kampusi, o‘quv binolari va laboratoriyalari bilan tanishib, ta’lim jarayoni hamda xalqaro hamkorlik yo‘nalishlari haqida ma’lumotga ega bo‘ldilar. Uchrashuv davomida kasbiy ta’lim, arxitektura va dizayn sohalarida tajriba almashish, qo‘shma seminarlar va o‘quv loyihalarini tashkil etish masalalari muhokama qilindi. Shuningdek, Professor Hua Yue tomonidan “Shaharlarni yangilash sharoitida arxitektura dizayni kasbiy ta’limi” mavzusida TTPU talabalari uchun akademik seminar o‘tkazildi. Tashrif yakunida o‘zaro akademik va amaliy hamkorlikni rivojlantirishni nazarda tutuvchi anglashuv memorandumi imzolandi.

Continue ReadingShanxay Zhiguang Politexnika kolleji vakillarining TTPUga tashrifi

Berlindagi uchrashuv: TTPU va Kaiko Systems hamkorligining yangi bosqichi

  • Post category:Yangiliklar

2025-yil 17-noyabr kuni Toshkent shahridagi Turin politexnika universiteti rektori Olimjon To‘ychiyev hamda Kaiko Systems kompaniyasi asoschisi Eddy Del Valle o‘rtasida Germaniyaning Berlin shahrida uchrashuv bo‘lib o‘tdi. Tomonlar o‘zaro hamkorlikning yangi yo‘nalishlari va istiqbollarini muhokama qildilar. Uchrashuvda rektor Olimjon To‘ychiyev TTPU bitiruvchilarining xorijdagi yutuqlari, ularning yirik xalqaro kompaniyalarda yetakchi lavozimlarga erishayotgani haqida ta’kidladi. O‘z navbatida, Eddy Del Valle TTPUning ta’lim modeli va talabalarining salohiyatini yuqori baholadi. Hamkorlik natijasida, TTPU talabalari Berlin shahridagi Kaiko Systems kompaniyasida ilg‘or texnologik yo‘nalishlarda amaliyot o‘tash imkoniyatiga ega bo‘lishlari ma’lum qilindi. Shuningdek, uchrashuv davomida TTPU rektoriga, o‘zbek texnologik tadbirkori Jalol Shukhratov tomonidan sun’iy intellektga asoslangan travel companion…

Continue ReadingBerlindagi uchrashuv: TTPU va Kaiko Systems hamkorligining yangi bosqichi

Bugun O‘zbekiston Respublikasi Davlat bayrog‘i qabul qilingan kun!

  • Post category:Yangiliklar

Bayrog‘imiz - xalqimizning tarixiy xotirasi va intilishlarini o‘zida mujassam etib, tinch va osoyishta, ozod va erkin hayotimiz, yorug‘ kelajagimizga bo‘lgan ishonchning ifodasi sanaladi! Toshkent shahridagi Turin Politexnika Universiteti barchangizni davlatimiz ramzlaridan bo‘lmish bayroq qabul qilinganligining 34 yilligi bilan samimiy qutlaydi!

Continue ReadingBugun O‘zbekiston Respublikasi Davlat bayrog‘i qabul qilingan kun!

Shaharlarni yangilash jarayonida me’moriy dizayn bo‘yicha kasbiy ta’lim

  • Post category:E'lonlar

Toshkent shahridagi Turin Politexnika Universiteti Xitoyning Shanxay Jiguang Politexnika Kolleji, Inson Yashash Muhiti va Me’moriy Dizayn maktabi dekani, PhD darajasiga ega professor Hua Yuening mehmon ma’ruzasini e’lon qilishdan mamnun. Sana: 2025-yil 18-noyabrVaqt: 12:00Joy: TTPU, B binosi, B-1 auditoriyasi Ushbu ilmiy uchrashuv davomida professor Hua Yue “Shaharlarni yangilash jarayonida me’moriy dizayn bo‘yicha kasbiy ta’lim” mavzusida chuqur ilmiy muhokama olib boradi. Tadbir professor-o‘qituvchilar, tadqiqotchilar, PhD izlanuvchilari, magistrantlar hamda Me’moriy Dizayn va Shaharlarni Yangilash Rejalashtirishiga qiziqqan barcha uchun ochiq.

Continue ReadingShaharlarni yangilash jarayonida me’moriy dizayn bo‘yicha kasbiy ta’lim

TTPU vakillari xalqaro tadbirda taqdirlandi

  • Post category:Yangiliklar

2025-yil 14-noyabr kuni Samarqand shahrida Arxeologiya instituti va Koreya Meros Agentligi hamkorligida tantanali taqdirlash marosimi bo‘lib o‘tdi. Tadbir davomida arxeologiya va madaniy meros sohalarida raqamli texnologiyalar, xususan GAT (GIS) tizimlari bo‘yicha amaliy bilim va ko‘nikmalarni mustahkamlashga qaratilgan seminar natijalari e’lon qilindi. Mazkur nufuzli marosimda Toshkent shahridagi Turin Politexnika Universitetining Qurilish va arxitektura kafedrasi dotsenti Nilufar Toxboyeva, shuningdek “Madaniy meros obyektlarini restavratsiya va konservatsiya qilish” yo‘nalishida tahsil olayotgan magistrlar — Behruza Rejavalieva va Saidaxon Ilyasova faol ishtiroki uchun sertifikatlar bilan taqdirlandilar.

Continue ReadingTTPU vakillari xalqaro tadbirda taqdirlandi

Aziz talabalar!

  • Post category:Yangiliklar

Toshkent shahridagi Turin politexnika universiteti barchangizni 17-noyabr - Xalqaro talabalar kuni bilan samimiy qutlaydi. Sizga hayotingizning ushbu oltin davrida unitilmas lahzalar, bilim olish yo’lingizda muvaffaqiyatlar, kelgusidagi ishlaringizda ulkan zafarlar hamda yangi cho‘qqilarni zabt etishda kuch va g'ayrat tilaymiz!

Continue ReadingAziz talabalar!

TTPU va “Infinity Ventures Holding” o’rtasida hamkorlik aloqalari o’rnatildi

  • Post category:Yangiliklar

2025-yil 14-noyabr kuni Toshkent shahridagi Turin politexnika universiteti rektori O.To'ychiyev, Gruziyaning “Infinity Ventures Holding” kompaniyasi asoschisi Levan Kirimlishvili hamda kompaniyaning bosh operatsion direktori Merriam Vakhvakhishvili o'rtasida uchrashuv bo‘lib o‘tdi. Uchrashuv davomida tomonlar bitiruvchi talabalar uchun amaliyot tashkil etish, ularning kasbiy ko‘nikmalarini rivojlantirish, shuningdek sanoat bilan integratsiyalashgan ta’lim jarayonini kengaytirish masalalarini muhokama qildilar. Tashrif yakunida TTPU va “Infinity Ventures Holding” o‘rtasida bitiruvchi talabalar malakasini oshirish hamda amaliyot orqali tajriba orttirish imkoniyatlarini kengaytirishni nazarda tutuvchi o‘zaro anglashuv memorandumi imzolandi.

Continue ReadingTTPU va “Infinity Ventures Holding” o’rtasida hamkorlik aloqalari o’rnatildi

TTPU professor-o’qituvchisi xalqaro forumda ishtirok etdi

  • Post category:Yangiliklar

2025-yil 14-noyabr kuni Qozog'iston Respublikasining Shimkent shahrida “Kasb-hunar ta’limida innovatsiyalar: tajriba, izlanish va yechimlar” mavzusida xalqaro forsayt-sessiya bo‘lib o'tdi. Mazkur nufuzli anjumanda Toshkent shahridagi Turin politexnika universiteti Arxitektura va qurilish kafedrasi mudiri, texnika fanlari nomzodi E.Xaltursunov faol ishtirok etdi. Sessiya doirasida professional ta’limdagi zamonaviy yondashuvlar, qurilish sanoatida mehnat bozori ehtiyojlariga mos kadrlar tayyorlash, raqamlashtirish, dizayn, sun’iy intellekt va boshqa dolzarb yo‘nalishlar muhokama qilindi. TTPU vakilining xalqaro miqyosdagi ishtiroki universitetimizning kasbiy ta’lim va innovatsion yondashuvlar bo‘yicha hamkorlik doirasini kengaytirayotganidan dalolat beradi.

Continue ReadingTTPU professor-o’qituvchisi xalqaro forumda ishtirok etdi

I2-PLEDGE loyihasining yakuniy konferensiyasi bo‘lib o‘tmoqda

  • Post category:Yangiliklar

Joriy yilning 13–14-noyabr kunlari Erasmus+ I2-PLEDGE (“Innovative and Interdisciplinary Programmes in Bio-medical Engineering to Leverage and Exploit the Digital Growth programme for students’ Employability in Uzbekistan”) loyihasining yakuniy konferensiyasi bo‘lib o‘tmoqda. TTPU hamda Toshkent davlat tibbiyot universiteti hamkorligida o'tkazilayotgan mazkur tadbirning dastlabki kuni Toshkent shahridagi Turin politexnika universitetida bo'lib o'tdi. Anjumanda Yevropa Ittifoqi, Oliy ta’lim, fan va innovatsiyalar vazirligi, Gretsiya, Italiya, Germaniya va O‘zbekistonning yetakchi oliy ta’lim muassasalari vakillari, xalqaro ekspertlar hamda hamkor tashkilotlar ishtirok etmoqda. Tadbirni TTPU rektori Olimjon To‘ychiyev kirish so‘zi bilan ochib berib, barcha ishtirokchilarni qutladi va I2-PLEDGE loyihasining O‘zbekistonda biotibbiyot muhandislik sohasini rivojlantirishdagi ahamiyatini ta’kidladi. Konferensiya…

Continue ReadingI2-PLEDGE loyihasining yakuniy konferensiyasi bo‘lib o‘tmoqda

TTPU professor-o’qituvchisi “EVRIKA–2025” tanlovi doirasida taqdirlandi!

  • Post category:Yangiliklar

2025-yil 12-noyabr kuni “Renessans” kino uyida O‘zbekiston Respublikasi Fanlar akademiyasi Ilm-fan targ‘ibot markazi hamda “Science and Innovation” kompaniyasi hamkorligida yosh olimlar uchun nufuzli “EVRIKA–2025” tanlovining tantanali taqdirlash marosimi bo‘lib o‘tdi. Mazkur tadbir “Ilm va ijod bayrami” shiori ostida tashkil etilib, respublikaning turli hududlaridan kelgan 500 dan ortiq ilmiy izlanuvchilar, akademiklar va ilm-fan jamoatchiligi vakillarini birlashtirdi. Tanlov 5 ta yo‘nalishda o‘tkazilib, yakuniy bosqichga yetib kelgan ishtirokchilardan 20 nafar iste’dodli yosh olim va tadqiqotchilar g'olib deb topildi. Xususan, Toshkent shahridagi Turin politexnika universiteti “Mashinasozlik texnologiyasi va aviakosmik muhandisligi” kafedrasi dotsenti, PhD A.Sharipov “Texnika va IT texnologiyalar olami” yo‘nalishida faxrli 3-o‘rinni egalladi. Tadbir…

Continue ReadingTTPU professor-o’qituvchisi “EVRIKA–2025” tanlovi doirasida taqdirlandi!