“15 mart – Butunjahon isteʼmolchilar huquqlari kuni” munosabati bilan Oʼzbekiston Respublikasi Raqobatni rivojlantirish va isteʼmolchilar huquqlarini himoya qilish qoʼmitasi tomonidan oliy taʼlim muassasalari talabalari oʼrtasida“MOLIYAVIY SАVODXON YOSh ISTE'MOLChI” III-onlayn olimpiadasi oʼtkazilmoqda! Tanlov ikki bosqichda boʼlib oʼtadi: 1-bosqich – 2025 yil 6 mart kuni Oʼzbekiston Respublikasi Oliy taʼlim, fan va innovatsiyalar vazirligining olimpiada.edu.uz elektron tizimida roʼyxatdan oʼtgan talabalar uchun test sinovlari oʼtkaziladi. 2-bosqich – 2025 yil 12 mart kuni 1-bosqich test natijalariga koʼra, saralangan 16 nafar talabalar bilan onlayn savol-javob tarzida amalga oshiriladi. Gʼoliblarni esdalik sovgʼalari kutmoqda! 🏆 Ehtimoliy test savollari bilan tanishish uchun@RaqobatGovUz Telegram kanaliga aʼzo boʼling! Olimpiada.edu.uz elektron tizimida…

Bugun, bir necha soatlardan so‘ng, Italiyada tahsil olayotgan O‘zbekistonlik talabalar bilan muhim uchrashuv boshlanadi! Tadbirda O‘zbekistonning Italiyadagi elchisi Abat Fayzullayev hamda Toshkent shahridagi Turin politexnika universiteti rektori Olimjon To‘ychiyev ishtirok etadi. Tadbir boshlanish vaqti: 18:30 (Toshkent vaqti bilan), 14:30 (Italiya vaqti bilan).Tadbir o'tkaziladigan joy: Politecnico di Torino universiteti, 7-xona. Quyidagi havola orqali uchrashuvda onlayn ishtirok etishingiz mumkin:https://polito-it.zoom.us/j/83884026711?pwd=ETtWhxaHXOh2IyLkLk0yN19OZeYEwh.1

Bugun, Toshkent shahridagi Turin politexnika universiteti rektori Olimjon To‘ychiyev Politecnico di Torino universitetining 2024/2025-o‘quv yiliga bag'ishlangan tadbir, akademik senati yig'ilishida ishtirok etadi va nutq so‘zlaydi. Mazkur tadbirda nufuzli mehmonlar, jumladan, Italiyaning Ommaviy boshqaruv vaziri Paolo Zangrillo, Tashqi ishlar va xalqaro hamkorlik vaziri Antonio Tajani, Turin shahri meri Stefano Lo Russo, Piedmont viloyati prezidenti Alberto Cirio, shuningdek, boshqa yuqori martabali vakillar ishtirok etishi kutilmoqda. Tadbir boshlanish vaqti: 14:30 (Toshkent vaqti bilan) Tadbirni jonli efirda kuzatish uchun havola: https://www.mediastream.polito.it/live.php?publkey=4253629371.

Joriy yilning 31-yanvar va 1-fevral kunlari Qozogʻiston Respublikasining Olmaota shahrida bo‘lib o‘tgan “Digital Almaty 2025” xalqaro raqamli forumi doirasida Toshkent shahridagi Turin politexnika universiteti rektori Olimjon Toʻychiyev “Raqamli fabrikalar: Sun’iy intellekt yordamida aqlli boshqaruv va robototexnika integratsiyasi” mavzusidagi panel muhokamasida ekspert sifatida ishtirok etdi. Mazkur forum biznes vakillari, xalqaro ekspertlar, IT-hamjamiyat, davlat idoralari va ommaviy axborot vositalari ishtirokida o‘tkazilib, raqamli texnologiyalar va sanoat innovatsiyalari sohasidagi ilg‘or tajribalar muhokamasiga bag‘ishlandi. Panel muhokamasi davomida O.Toʻychiyev raqamli sanoat, robototexnika va sun’iy intellektni rivojlantirish boʻyicha O‘zbekistonda va TTPUda amalga oshirilayotgan ishlar hamda kelgusi rejalar haqida nutq soʻzladi.  Shuningdek, forum doirasida Xitoyning AGIBOT kompaniyasi bilan…

Joriy yilning 30-yanvar kuni Toshkent shahridagi Turin politexnika universitetida "Architecture and Design" yo‘nalishi talabalari "Building Planning and Design 1" fanidan loyiha taqdimotlarini o‘tkazdilar. Taqdimotlar jonli va muhokamalarga boy tarzda o‘tdi. Talabalar turli arxitektura yondashuvlarini qo‘llagan holda o‘z loyihalarini namoyish etdilar. Ishlab chiqish jarayonida SketchUp, 3Ds Max, AutoCAD, Lumion va Revit dasturlaridan foydalanildi. Shuningdek, loyihalar SHNQ (Shaharsozlik normalari va qoidalari) talablariga muvofiq ishlab chiqildi. Talabalar funksional va estetik jihatdan puxta ishlangan binolar, barqarorlik tamoyillariga asoslangan dizaynlar hamda innovatsion arxitektura yechimlarini taqdim etdilar. Ushbu loyihalar talabalarning nazariy bilimlarini amaliyotda qo‘llashga bo‘lgan intilishlarini yana bir bor namoyon etdi. Ularga kelgusi faoliyatlarida yanada yuksak…

Joriy yilning 6-yanvar kuni Toshkent shahridagi Turin politexnika universiteti va Taʼlimni rivojlantirish respublika ilmiy-metodik markazi vakillari ishtirokida uchrashuv tashkil etildi. Tadbir davomida O'zbekistonda STEM taʼlimini rivojlantirish, xususan, hamkorlikda umumiy oʻrta, oʻrta maxsus va boshlangʻich professional taʼlim tashkilotlari oʻquvchilarning STEM fanlariga boʻlgan qiziqishlarini oshirish, iqtidorli oʻquvchilarni aniqlash hamda ragʻbatlantirish masalalari muhokama qilindi. Uchrashuv so'ngida tomonlar o'rtasida o'zaro anglashuv memorandumi imzolandi. Mazkur memorandumga asosan, joriy yilning fevral-may oylarida STEM, xususan, matematika, fizika, kimyo, biologiya, informatika va axborot texnologiyalari fanlari boʻyicha olimpiada testbor.uz platformasi orqali ikki bosqichda (hududiy va respublika) oʻtkaziladi.

Unda TTPU rektori Olimjon To'ychiyev, prorektorlari, boshqarma va bo'lim boshlig'lari hamda barcha professor-o'qituvchilar, xodimlar ishtirok etdi. Yig'ilish avvalida Universitet jamoasi nomidan TTPU birinchi prorektori A.Ashurov dotsent ilmiy unvonini, Arxitektura va qurilish kafedrasi dotsenti D.Nazarova professor ilmiy unvonini olganliklari hamda Ma'naviyat va ma'rifat bo'limi boshlig'i F.Nabixanova Ilm-fan yo'nalishi bo'yicha Yil ayoli tanlovi go'libi bo'lganliklari e'tirof etilib, sovg'alar topshirildi. Shuningdek, tadbirda iqtidorli talabalar bilan ishlashni tashkil etish to'g'risidagi Nizom muhokama etilib, universitet eksplutatsiya ishlari bo'yicha, shuningdek, universitet tomonidan amalga oshirilayotgan ilmiy loyihalar, moliyaviy ishlar haqida yillik hisobotlar tinglandi. Yig'ilish so'ngida, Universitet rektori O.To'ychiyev barchani kirib kelayotgan yangi yil bilan qutlab, kelgusi faoliyatlarida…

Ma'ruzada sifat nazorati jarayonlari, xususan, ularning avtomobil ishlab chiqarishdagi ahamiyati, mahsulot xaridi chog‘ida e’tibor berilishi zarur bo‘lgan jihatlar hamda ishlab chiqarish jarayonlarida sifatni ta’minlashning samarali usullari haqida so‘z bordi. Tadbir so'ngida talabalar o'zlarining qiziqtirgan savollariga soha mutaxassisidan atroflicha javob olish imkoniyatiga ega bo'lishdi.

Joriy yilning 13-dekabr kuni Karamay shahrida joylashgan Xitoy neft universiteti-Pekin vitse-prezidenti va bosh moliya direktori Zhang Hongyan boshchiligidagi universitet delegatsiyasi Toshkent shahridagi Turin poltexnika universitetiga tashrif buyurdi. Tashrif doirasida degelatsiya a'zolari uchun universitet bo'ylab tur tashkil etilib, universitet faoliyati, xususan, o'quv va ilmiy sohalarda erishilgan yutuqlar, amalga oshirilayotgan loyihalar bilan tanishtirildi. Shuningdek, TTPU birinchi prorektori A.Ashurov, Moliyaviy-iqtisodiy ishlar va innovatsiyalar boʻyicha prorektori J.Yusupov va delegatsiya a'zolari ishtirokida uchrashuv bo'lib o'tdi. Unda Erasmus+ dasturi doirasida loyihalarni birgalikda amalga oshirish, xodimlar mobilligi va talabalar almashinuvi dasturini tashkil etish, birgalikda ilmiy tadqiqotlar olib borish yuzasidan muhokama etilib, kelgusida hamkorlik sohalarini kengaytirishga kelishib olindi.

Joriy yilning 12-dekabr kuni Toshkent shahridagi Turin politexnika universitetida Uber kompaniyasining katta dasturiy ta'minot muhandisi va xorazmiy.dev IT platformasi asoschisi Ulfat Abjabborovning "Kod ortidagi dunyolar: Dasturchining sayohati" mavzusidagi mehmon ma’ruzasi bo'lib o'tdi. Tadbir davomida Ulfat Abjabborov dasturlashning mohiyati, loyihalarda dasturlash tillarini qo'llash holatlari haqida ma'lumot berib, o'zining dunyoning yetakchi kompaniyalaridan birida orttirgan tajribalari bilan bo'lishdi. Tadbir yakunida, talaba yoshlar mavzuga doir o'zlarining qiziqtirgan savollariga batafsil javob olish imkoniyatiga ega bo'ldilar. Mazkur ma'ruza nafaqat talabalarning bilim va ko‘nikmalarini oshirish, balki ularning kasbiy maqsadlari sari yo‘l topishlarida ilhom bag‘ishlashga xizmat qildi.

Toshkent shahridagi Turin politexnika universitetida "Balcom Nihongo" kompaniyasi vakillari tomonidan "Yaponiyada karyera tomon ilk qadam" mavzusida seminar bo‘lib o‘tdi. Tadbir davomida Yaponiya davlati, uning madaniyati, ishlash imkoniyatlari hamda yapon tilini o‘rganishning zamonaviy usullari haqida batafsil ma’lumot berilib, Yaponiya mehnat bozorida talab katta bo‘lgan muhandislik sohasidagi mutaxassislar uchun mavjud bo‘lgan imkoniyatlarga alohida e’tibor qaratildi. 🔵Shuningdek, yangi ishlab chiqarilgan yapon tilini individual tarzda o‘rganishga moslashtirilgan "Balcom Nihongo" ilovasining taqdimoti bo‘lib o‘tdi.

Joriy yilning 10-dekabr kuni Toshkent shahridagi Turin politexnika universiteti rektori O.To'ychiyev va O‘zbekiston velosiped sporti federatsiyasining Toshkent shahar bo‘limi Bosh kotibi A.Abdurazzoqov ishtirokida uchrashuv bo'lib o'tdi. Unda o‘smirlar va yoshlar o’rtasida velosportni rivojlantirish, sport sohasida ta’lim sifatini ko’tarish, sport fanlari, sport infratuzilmasini rivojlantirish, qo‘shma sport tadbirlarini tashkil etish kabi masalalar muhokama qilinib, ushbu yo'nalishlarda ikki tomonlama hamkorlikni mustahkamlash bo'yicha o'zaro hamkorlik Memorandumi imzolandi.