Joriy yil 2 dekabr kuni soat 10:00 da Toshkent shahridagi Turin politexnika universiteti konferentsiyalar zalida "Jaholatga qarshi maʼrifat" mavzusida diniy qoʼmita vakillari bilan hamkorlikda, Din ishlari boʼyicha qoʼmita Toshkent shahar boshqarmasi bosh mutaxassisi Meliqoʼziev Jaxongir Valijonovich hamda Oʼzbekiston xalqaro islom akademiyasi katta oʼqituvchisi Saidafzal Saudxanbalovich Saidjalolov ishtirokida davra suhbati boʼlib oʼtdi.
O‘zbekiston Respublikasi Vazirlar Mahkamasi huzuridagi Kosmik tadqiqotlar va texnologiyalar agentligi tomonidan 2021 yil 1 dekabrda Toshkent shahridagi Turin Politexnika Universitetida kosmik soha yutuqlarini keng yoritish maqsadida Anastasiya Stepanova hamda Vitaliy Yegorov kabi xorijiy ekspertlar ishtirokida “Kosmos – cheksizlikdan biznesgacha” mavzusidagi tadbir bo'lib o'tdi. Anastasiya Stepanova – “Mars-160” va “SIRIUS-19” xalqaro kosmik loyihalari ekipaji aʼzosi. Mazkur tadbirda xorijiy ekspertlar tomonidan kosmik soha bilan tanishtiruv, ekspertlarning sohadagi shaxsiy hayotiy tajribalari, hozirda sohada xususiy sektor vakillari uchun keng imkoniyatlar mavjudligi to‘g‘risidagi mavzularga bag‘ishlangan taqdimot-maʼruza bo'lib o'tdi
O‘zbekiston Respublikasi Innovatsion rivojlanish vazirligi huzuridagi Innovatsiyalar va texnologiyalar transferi milliy boshqarmasida Yoshlar masalalari agentligi, Toshkent shahar hokimligi va Uzkard bilan hamkorlikda 2021-yil 15-24-noyabr kunlari texnologik taraqqiyot marafoni - TECHNOWAYS bo'lib o'tdi.Ushbu marafon iqtidorli yoshlarning loyihalarini har tomonlama rivojlantirish va ularning texnologik bilimlarini boyitishga qaratilgan. Marafonda butun O‘zbekistondan 300 dan ortiq loyiha ishtirok etdi.Talabamiz Asadbek O‘runov TECHNOWAYS marafonida g‘olib chiqdi va Dubayda bo‘lib o‘tadigan Expo 2020 ko‘rgazmasiga yo‘llanma oldi. Hammamiz uni tabriklaymiz.
Joriy yilning 28-oktabr kuni Toshkent shahridagi Turin politexnika universitetida talabalarga yong’in xavfsizlik qoidalarini o’rgatuvchi o’quv mashg’uloti bo’lib o’tdi. Mashg’ulot davomida yong’in xavfsizlik xodimlari talabalarga yong’in paytida qanday qilib o’zini tutish, olovni tez o’chirish yo’llarini o’rgatib talabalar bilan birgalikda interaktiv topshiriqlar bajarishdi.
Talabalarning Prezident saylovida faol ishtirokini ta’minlash maqsadida ko‘plab ishtirokchilar o‘rtasida tanlov o‘tkazildi. Tasodifiy tanlov yo'li bilan g'olib bo'lgan talabamiz Yo'ldoshev Davronbek bugun o'z sovrini - noutbuk oldi! TABRIKLAYMIZ!Agar bu safar g'alaba qozona olmagan bo'lsangiz, xavotir olmang, tanlovlarimiz yanada ajoyib sovg'alar bilan davom etmoqda!Nimaga Turinni tanlaganingiz haqida bir daqiqalik videorolik tayyorlang va universitetimiz ijtimoiy tarmoqlarida eng ko‘p layk to‘plang:1-o'rin: Noutbuk2-o'rin: Planshet (10 dyum)3-o'rin: Planshet (7 dyum)
O‘zbekiston Respublikasi Prezidentining 2019 yil 18 iyuldagi “O‘zbekiston Respublikasi Avtomobil sanoatini jadal rivojlantirishga oid qo‘shimcha chora-tadbirlar to‘g‘risida”gi PQ-4397-son qarorida avtomobil sanoatida kadrlar tayyorlash, qayta tayyorlash va malakasini oshirish jarayonlarini takomillashtirish bo‘yicha belgilangan toshiriqlarni bajarish maqsadida Toshkent shahridagi Turin Politexnika universiteti Amerika Qo‘shma Shtatlarining Pitsburg davlat universiteti bilan hamkorlikda Avtomobilsozlik sohasida kadrlarni tayyorlash bo‘yicha 2+2 qo‘shma ta’lim dasturini joriy etish bo‘yicha kelishuvga erishdi. Toshkent shahridagi Turin Politexnika universiteti rektori J.Sh.Inoyatxodjayev, birinchi prorektor A.A.Karimov va strategik rivojlantirish bo‘lim boshlig‘i J.A.Abdujalilov Pitsburg davlat universiteti bilan hamkorlik masalalarini muhokama qilish va Avtomobilsozlik texnologiyasi yo‘nalishida qo‘shma ta’lim dasturining kelishuv shartnomasini imzolash maqsadida 2021 yil 31…
Respublika rahbari tashabbusiga binoan “O‘zavtosanoat” tomonidan chekka hududlar aholisining kasalliklarini tashxislash va oldini olishga mo‘ljallangan tor yo‘nalishdagi uch turdagi ko‘chma tibbiyot markazlari loyihalashtirildi va ishlab chiqarildi. Ginekologik, urologik va umumiy tibbiy asbob-uskunalar bilan jihozlangan zamonaviy ko‘chma tibbiyot markazlari Toshkent shahridagi Turin politexnika universiteti mutaxassislari tomonidan “KAMAZ” rusumli avtomashina va “Isuzu” avtobusi negizida yaratildi. Tibbiyot markazlarida mammologik, ultratovush va boshqa tekshiruvlar uchun zamonaviy uskunalarning o‘rnatilishi O‘zbekistonning eng chekka hududlarida tor mutaxassislar tomonidan sifatli va o‘z vaqtida tibbiy yordam ko‘rsatish imkonini yaratadi. Hozirgi vaqtda O'zbekistonda tibbiy xizmat ko'rsatish darajasini yaxshilash va mamlakatning chekka hududlarida yashovchi aholining hayot sifatini yaxshilash bo'yicha katta ishlar amalga…
Joriy yilning 21-oktabr kuni Yaponiyaning Aychi Prefektura Universiteti vitse-prezidenti, direktori va professori Hiroaki KAWABATA O’zbekiston Respublikasi Prezident sayloviga kuzatuvchi sifatida kelgan safari davomida Toshkent shahridagi Turin Politexnika Universitetiga ham tashrif buyurdi. Tashrif davomida Mr.KAWABATA universitet kampusi faoliyati bilan yaqindan tanishib kelgusidagi birgalikda hamkorliklar haqida kelishib olindi. Uchrashuv davomida professor-o’qituvchilarning ilmiy hamkorligini yo’lga qo’yish va “Axborot texnologiyalari” yo’nalishi talabalari uchun talaba almashinuv dasturini amalga oshirish haqidagi kelishuvga erishildi.
Toshkent shahridagi Turin politexnika universiteti kadrlar malakasini oshirish va qayta tayyorlash markazi ikki haftalik “Kadrlar menejmenti, Kadrlar boshqaruvi” malaka oshirish kursini o'tkazdi. Kursda Ozbekiston Respublikasi Mudofaa vazirligi va Ozbekiston Respublikasi Davlat zaxiralari qo`mitasi kadrlar xizmati xodimlari ishtirok etdilar. Trening davomida xodimlarni boshqarishning zamonaviy yondashuvlari va kontseptsiyalari, mehnat qonunchiligining asoslari, mehnat shartnomasini tuzish va bekor qilish masalalari, ishga qabul qilishda psixodiagnostika va boshqalar kabi mavzularga to'xtalib o'tildi. Tinglovchilar kursni tashkillashtirganliklari uchun minnatdorchiliklarini bildirib, ijobiy fikrlar qoldirishdi.
2021 yil 15 oktabr kuni Toshkent shahridagi Turin politexnika universitetida Italiya va Buyuk Britaniyaning Toshkentdagi elchixonalari, Italiyaning Turin Politexnika universiteti bilan hamkorlikda “Energy transition as a viable boost for the sustainable economic development” mavzuida halqaro ilmiy- texnik konferensiya o‘tkazildi.Xalqaro konferensiyada xorijiy universitetlar The University of Strathclyde (Buyuk Britaniya), Politecnico di Torino (Italiya) va energetika sohasida faoliyat olib borayotgan Siemens Energy, Juru Energy kabi xorijiy kompaniyalarning energetika sohasidagi yetakchi mutaxassislari onlayn va oflayn tarzda ishtirok etdilar.Xalqaro konferensiya davomida muqobil energetika sohasida faoliyat olib borayotgan mahalliy professor-o‘qituvchilar, katta ilmiy xodimlar va mustaqil izlanuvchilar xorijiy mutaxassislar bilan tajriba almashdilar va hamkorlik aloqalarini o'rnatdilar.
Suyuqliklar mexanikasi va gidravlika (Fluid mechanics and hydraulics)” fani doirasida Toshkent irrigatsiya va qishloq xoʻjaligini mexanizatsiyalash muhandislari institutidagi amaliy oʻquv dars jarayonlari hamda laboratoriya uskunalari bilan yaqindan tanishish uchun institutga tashrif buyurdilar. Tashrif davomida talabalar institutning “Gidromeliorativ ishlarni mexanizatsiyalash” kafedrasi oʻquv laboratoriyasi, Avtotraktor dvigatellari va yonilgʻi moylash materiallari tajriba laboratoriyasi va boshqa koʻrgazma stendlari bilan yaqindan tanishishdi. Ushbu tashrif fanni chuqurroq oʻzlashtirish, fan, taʼlim va ishlab chiqarishning oʻzaro integratsiyasini taʼminlash va pirovardida sanoatning yuqori texnologiyaga asoslangan tarmoqlari uchun yetuk mutaxassislarni tayyorlashga xizmat qilishiga ishonamiz.
Joriy yilning 11-oktyabr kuni Toshkent shahridagi Turin Politexnika Univesitetida – “Xalqaro qizlar kuni” munosabati bilan “O’zbekiston qizlari: hayot tarzi, yashash sharoitlari, huquq va erkinliklarini ta’minlash masalalari” mavzusida Respublika forumi bo’lib o’tdi. Forum davomida san’at sohasida muvaffaqiyatlarga erishgan qizlarning musiqiy chiqishlari bo’lib o’tdi. Qolaversa, jamiyatdagi turli sohalarda faol mehnat qilayotgan rahbar ayollarning forum ishtirokchilari bilan muloqotlari bo’lib o’tdi. Forum yakunida faol ishtirokchilarni taqdirlash va tadbirning yopilish marosimi bo’lib o’tdi.
Joriy yilning 11-15 oktabr kunlari Toshkent shahridagi Turin Politexnika Universiteti bilan hamkorlikda Samarqand Davlat Universitetida MDH davlatlarining oltinchi xalqaro konferensiyasi "Sol-gel sintezi va noorganik birikmalar, gibrid funksional materiallar va dispersli tizimlarni tadqiq qilish"-"SOL-GEL 2020" bo’lib o’tadi. Konferensiya davomida xorijiy va mahalliy professorlar-o'qituvchilar taqdimotlari bilan qatnashadilar. Bundan tashqari xalqaro deligatsiya Samarqand va Buxoro kabi tarixiy shaharlarga sayohat qiladi. Qolaversa, Toshkent viloyati Parkent tumanida joylashgan O`zbekiston Respublikasi Fanlar Akademiyasi Materialshunoslik institutiga tashrif buyurishi rejalashtirilgan. Batafsil ma'lumotlarni quyidagi havola orqali bilib olishingiz mumkin.
📜Konstitutsiyaviy burchingizni ado etib zamonaviy noutbuk sohibi boʻlishni xohlaysizmi? Buni yoʻli juda oson. Quyidagi shartlarni bajarsangiz kifoya: 1. 🗳24-oktyabr kuni Oʻzbekiston Respublikasi Prezidenti saylovida ishtirok eting; 2.📝 Oʻzingizning nomzodingizga ovoz bering; 3. 📸😎Namunada koʻrsatilganidek suratga tushing👆🏻(yoki selfiga tushing); 4. 📥Suratni talabalik ID raqamingiz bilan ushbu @ttpu_saylov_2021 telegram kanalga yuboring. Gʻolibni esa, tasodifiy tanlov platformasi @wowrollbot orqali 25-oktyabr kuni soat 16:00 da Instagramdagi kanalimizda (@polito_uz) jonli efirda aniqlab olamiz. Hammaga omad yor boʻlsin! *tanlovda faqat 18 yoshdan oshgan Toshkent shahridagi Turin politexnika universiteti talabalari ishtirok etishlari mumkin
2021 yil 15 oktabr kuni Toshkent shahridagi Turin politexnika universitetida, Italiya va Buyuk Britaniyaning Toshkentdagi elchixonalari, Italiyaning Turin Politexnika universiteti bilan hamkorlikda, “Energy transition as a viable boost for the sustainable economic development” mavzuida halqaro ilmiy- texnik konferensiya o‘tkazilishi belgilangan. Xalqaro konferensiyada xorijiy universitetlar The University of Strathclyde (Buyuk Britaniya), Politecnico di Torino (Italiya) va energetika sohasida faoliyat olib borayotgan Siemens Energy, Juru Energy kabi xorijiy kompaniyalarning energetika sohasidagi yetakchi mutaxassislari onlayn va oflayn tarzda ishtirok etadilar. Xalqaro konferensiya davomida muqobil energetika sohasida faoliyat olib borayotgan mahalliy professor-o‘qituvchilar, katta ilmiy xodimlar-izlanuvchilar, mustaqil izlanuvchilar xorijiy mutaxassislar bilan tajriba almashish va hamkorlik…
Joriy yilning 21 sentabr kuni «Biznesda muvaffaqiyat va mag’lubiyat omillari» mavzusi doirasida taniqli tadbirkor, MFaktor loyihasi asoschilaridan biri , biznes faoliyatida yuqori muvaffaqiyatlarga erisha olgan motivator Husan Mamasaidov bilan uchrashuv hamda mahorat darsi bo’lib o’tdi.Mahorat darsidada, Olmazor tumani hokimi Azizxon Umarxonov, Yoshlar bilan ishlash bo’yicha hokim o’rinbosari, tuman tadbirkorlari, Chimboy mahalla faollari hamda universitet talabalari ishtirok etdilarMehmon sifatida tashrif buyurgan, yurtimizdagi ko’zga ko’ringan va muvaffaqiyatga erishgan tadbirkor, Dekos.uz va Deli.uz kompaniyalari, shuningdek, “M factor” loyihasi asoschilaridan biri Husan Mamasaidov, tadbir davomida , biznesda qanday qiyinchiliklarga duch kelganliklari, biznesda qo’llaniladigan vositalar, oilaviy biznesda manfaatlar muvozanatini saqlash va boshqa ko’p ma’lumotlar haqida…
2021 yil 21 sentyabr – Toshkent shahridagi Turin politexnika universitetining majlislar zalida "hyperMILL" - qolip va qolip ishlab chiqarish uchun CAMning innovatsion integratsiyalashgan yechimi" mavzusida seminar bo'lib o'tdi.Seminar doirasida “OPEN-MIND Technologies AG” va “ABM-TECHNIK MChJ QK” va “Toshkent shahridagi Turin politexnika universiteti” bilan o'zaro hamkorlik to'g'risida Memorandum imzolandi. "OPEN-MIND" kompaniyasi tomonidan hyperMILL litsenziyalangan dasturiy ta'minoti universitetimiz talabalariga foydalanish uchun taqdim etildi.
Vitronic kompaniyasi va Tatweer kompaniyasi vakillari bilan hamkorlik masalalari muhokama qilindi. Uchrashuvda, bitiruvchi talabalarni ish bilan ta’minlash, Vitronic kompaniyasi tomonidan universitetga laboratoriya qurilmalar berilishi ta’kidlandi. Shunigdek, kompaniya vakillari tomonidan talabalarni malakasini oshirish bo’yicha kurslar tashkil etish kelishib olindi.
O‘zbekistonda ilk bor Toshkent shahridagi Turin Politexnika universiteti talabalari tomonidan ishlab chiqarilgan CubeSat (nano sun’iy yo‘ldosh) stratosferaga uchirildi. Vazni 2.5-3.0 kg bo‘lgan, U-klasdagi ushbu apparat, kosmik tadqiqotlar olib borish uchun bir nechta modullardan tashkil topgan 10 sm kub xajmdagi sun’iy yo‘ldosh hisoblanadi. CubeSat bir qator sensor qurilmalardan tashkil topgan bo‘lib, yerdan uzoqlashish balandligini, stratosferadagi havo namligi, shamol tezligi, havoning ifloslanish darajasi to‘g‘risidagi va boshqa turdagi fizikaviy ma’lumotlarni onlayn tarzda universitetda joylashtirilgan ma’lumotlarni qabul qiluvchi stansiyaga uzatdi, kelgusida qabul qilingan ma’lumotlar geodeziya sohasida ilmiy-tadqiqot olib borish uchun tahlil qilinadi. Shuningdek, CubeSat uchishi davomida video tasvirlarni onlayn tarzda uzatdi, ushbu ma’lumotlar yordamida…
