Toshkent shahridagi Turin politexnika universitetida Italiyaning O‘zbekistondagi elchixonasi ko‘magida “TASHKENT-SUSTAINABLE CITY” (TOSHKENT-BARQAROR SHAHAR”) mavzusida seminar bo‘lib o‘tdi Seminarning maqsadi - kuchli urbanizatsiya jarayoniga qaramay, barqaror shahar qonuniyatlariga rioya qilgan holda rivojlanayotgan Toshkent shahriga mobillik dizayni va yechimlari bo‘yicha Italiya tajribasi bilan tanishish imkoniyatini taqdim etishdan iborat bo‘ldi. Shuningdek seminarda zamonaviy shahardagi transport va piyodalar logistikasi ham muhokama qilindi. Ma’ruzachilar o‘z bilimlar va tajribalari bilan bo‘lishib, murakkab muammolarni samarali hal etish uchun zarur bo‘lgan arxitektura-muhandislik yechimlari, shahar logistikasi va innovatsion texnologiyalarga oid masalalarni muhokama qildilar. Mazkur tadbirni tabrik nutqi bilan Italiyaning O‘zbekistondagi elchisi E.P. Agostina Pinna, Toshkent shahridagi Turin politexnika universiteti…

2022 yilning 26 sentyabr kuni, janob Tetsuro Yamasaka boshchiligidagi Balcon Co Ltd (Yaponiya) delegatsiyasi, hamkorlik masalalarini muhokama qilish uchun Toshkent shahridagi Turin politexnika universitetiga tashrif buyurdi. Kun tartibidagi asosiy masala, TTPU qoshida o‘quv markazni tashkil etish bo‘lib asosiy maqsadi universitet talabalariga yapon tili va madaniyati, hamda ishlab chiqarish ko‘nikmalarini o‘rgatish va kelgusida Yaponiyaning nufuzli kompaniyalarida malaka oshirish, hamda ish faoliyatlarini davom ettirishni ta’minlash sanaladi. Shu bilan birga, Xirosima universiteti, TTPU va Balcom Co Ltd kompaniyasi o‘rtasidagi uchtomonlama xamkorlik asosida TTPUning iqtidorli talabalarining Xirosima universitetining magistratura bosqichida taxsil olishlari uchun Balcom Co Ltd kompaniyasi grant dasturini joriy qiladi.

     O‘zbekistonlik shaxmatchi, xalqaro grossmeyster, tezkor shaxmat bo‘yicha jahon chempioni, O‘zbekiston terma jamoasi tarkibida shaxmat bo‘yicha 44-Olimpiada g‘olibi, “O‘zbekiston iftixori” medali sohibi – Nodirbek Abdusattorov Toshkent shahridagi Turin politexnika universitetining “Biznes boshqaruvi – Menejment” mutaxassisligi bo’yicha o‘qishini boshladi.      Chempion va uning otasi Fazliddin Ochilovni qutlar ekan, Turin politexnika universiteti rektori J.S. Inoyaxo‘jaev O‘zbekiston terma jamoasini 44-Jahon shaxmat olimpiadasidagi tarixiy g‘alabasi bilan yana bir bor tabriklab, bu g‘alabada Nodirbekning beqiyos hissasi borligini alohida ta’kidladi. Uchrashuvda Nodirbek shaxmat bo‘yicha hozirgi mashg‘ulotlari va kelgusidagi rejalari bilan o‘rtoqlashdi, so‘ng guruhdoshlari bilan yaqindan tanishdi. Nodirbek va uning otasi universitetda talabalar uchun yaratilgan qulay shart-sharoitlarni…

Joriy yilning 14 sentyabr kuni yotoqxonadagi talabalar bilan universitet mamuriyati o’rtasida yig’ilish o’tkazildi. Yig‘ilishda universitet rektori Inoyatxodjayev J., universitet birinchi prorektori Ashurov A., yoshlar bilan ishlash bo‘limi boshlig‘i Allamova G., xotin-qizlar va oila masalalari bo‘yicha rektor maslahatchisi Nabixanova F., rector maslahatchisi Boymatov N., TTJ kommendanti - Nurahmedov К, profilaktika inspektori - mayor Yusupov O., akademik guruh tyutorlari va universitet yotoqxonasida yashovchi talabalar ishtirok etdi. Yig’ilishda talabalarga yotoqxona ichki tartib qoidalari to’liq tanishtirildi, hamda ularga qat’iy amal qilish belgilandi. Talaba yotoqxona binosi, mulki va jihozlarini asrab-avaylashi va boshqa umumiy foydalanish joylarini har doim toza va tartibli tutishi lozimligi ta’kidlab o‘tildi. Talabalarning…

TTPUning “Qurilish muhandisligi va arxitektura” kafedrasi xodimlari Abdurakhim Nabijonov va Mukhammad-Bobur Zokhidovlar “El-yurt umidi” jamg’armasining stipendiya tanlovida MAGISTRATURA ta’lim dasturi bo‘yicha g‘olib deb topildi. “Men o'qituvchilar oilasida tug'ilganman. Ilm-fan va texnika sohasidagi birinchi ustozim bo‘lgan otamdan juda minnatdorman. Yoshligimdan ilmiy mavzularni muhokama qilishga odatlanganmiz va ilmiy terminologiyani tushunish qiyin bo’lsada, otam doimo yordam berar edi. Toshkent shahridagi Turin politexnika universitetini tamomlab, aniq fanlar bo’yicha dars berishni boshladim. O‘sha davrda mamlakatning porloq kelajagini barpo etishga o‘z hissamni qo‘shishim mumkinligini angladim va yuqori malakali o‘qituvchi bo‘lishni maqsad qildim. Hozirda, TTPUda o‘qishim davomida yuqori malakali xorijiy professor-o‘qituvchilardan olgan bilimlarni amaliyotda qo‘llash, muhim tajribalarni…

Toshkent shahridagi Turin Politexnika Universiteti 2022-2023 o’quv yilidan quyidagi yangi yo’nalishlar bo’yicha ta’lim berish uchun O’zbekiston Respublikasi Vazirlar Mahkamasi huzuridagi ta’lim sifatini nazorat qilish davlat inspeksiyasi tomonidan litsenziya oldi:Bakalavr yo’nalishi bo’yicha: Biznes boshqaruvi bakalavri – Menejment;Sanoat ishlab chiqarish texnologiyalari Magistratura mutahassisligi: Madaniy meros obyektlarini restavratsiya va konservatsiya qilish;Axborot va aloqa muhandisligi

Bugun 2022 yilning 19 avgust kuni Toshkent shahridagi Turin Politexnika universiteti huzuridagi PhD.22/01.02.2022 T.144.01 raqamli Ilmiy kengashda 05.08.06 - “Gʼildirakli va gusenitsali mashinalar va ularni ishlatish” ixtisosligi boʼyicha texnika fanlari boʼyicha falsafa doktori (PhD) ilmiy darajasini olish uchun birinchi dissertatsiya ishi himoyasi boʼlib oʼtdi. Tadqiqotchi Yusupov Sarvarbek Sodiqovichning “Innovatsion intellektual transport tizimlarini mahalliy sharoitda sinergiyasini asoslash” mavzusidagi himoyasi yuzasidan taqdimot maʼruzasi tinglandi. Yigʼilish anʼanaviy va onlayn shaklda uygʼunlashgan holda oʼtkazildi. Maʼruzadan soʼng, ilmiy ish boʼyicha muhokama boʼlib, unda tadqiqotchi yigʼilish aʼzolari savollariga javob berdi. Shundan soʼng, tadqiqotchining rasmiy opponentlari soʼzga chiqib, dissertatsiya boʼyicha oʼz xulosalarini berib, mavzuning dolzarbligi, ilmiy yangiligiga…

Toshkent shahridagi Turin Politexnika Universitetida “International Conference on Electrical Facilities and information technologies 2022” nomli xalqaro ilmiy-texnik konferentsiya tashkil etildi   Oʼzbekiston Respublikasi Prezidenti Shavkat Mirziyoevning 2021 yil dekabrь oyida Koreya Respublikasiga tashrifi chogʼida, universitetlar oʼrtasidagi innovatsion hamkorlikni rivojlantirish muhim ekanini taʼkidlab, ularning muntazam muloqoti uchun doimiy maydon yaratish zarurligi taʼkidlangan edi. Bu borada, Toshkent shahridagi Turin Politexnika universiteti Koreya Milliy Transport universiteti, hamda Koreya elektr muhandislari instituti bilan hamkorlikda ikki davlat oʼrtasida energetika va АKT sohasida ilgʼor xalqaro tajribalar asosida yuqori malakali muhandis kadrlar tayyorlash tizimini yanada rivojlantirish, hamda oliy taʼlim sohasida xalqaro ilmiy hamkorlikni kengaytirish boʼyicha kelishuvga erishdi.…

Toshkent shahridagi Turin politexnika universiteti huzuridagi PhD.22/01.02.2022.T.144.01 raqamli Ilmiy Kengash qoshidagi 05.08.06 – “Gʻildirakli va gusenitsali mashinalar va ularni ishlatish” ixtisosligi boʻyicha Ilmiy Kengashida dissertatsiya himoyasi. Toshkent shahridagi Turin politexnika universiteti huzuridagi PhD.22/01.02.2022.T.144.01 raqamli Ilmiy Kengash asosida 05.08.06 – “Gʻildirakli va gusenitsali mashinalar va ularni ishlatish” ixtisosligi boʻyicha tuzilgan Ilmiy Kengashda texnika fanlari boʻyicha falsafa doktori (PhD) ilmiy darajasiga talabgor Yusupov Sarvarbek Sodiqovichning dissertatsiya ishi himoyasi. Mavzu: “Innovatsion intellektual transport tizimlarini mahalliy sharoitda sinergiyasini asoslash”. Sana: 2022-yil 19-avgust kuni soat 10:00. Seminar shakli: offline/online (havola). Manzil: Toshkent shahridagi Turin politexnika universiteti bosh binosining 2-qavat, MAJLISlar xonasi. Masofaviy ishtirok etish uchun…

Joriy yilning 26-27 iyul kunlari, TTPUning yangi “Sanoat ishlab chiqarish texnologiyalari” yo’nalishi bo’yicha sinov (MOCK) imtihonlari bo‘lib o‘tdi. Imtihon “UzautoMotors” AJ Asaka shahridagi zavodida onlayn shaklda, to’liq ingliz tilida o’tkazildi.

Oʻzbekiston Respublikasi Vazirlar Mahkamasining 2020-yil11-noyabrdagi “Oʻzbekiston Respublikasida 2023-yilda aholini roʻyxatga olishga tayyorganrlik koʻrish va uni oʻtkazish chora-tadbirlari toʻgʻrisida”gi 710-sonli qaroriga muvofiq, respublikamizda 2023-yilda aholini roʻyxatga olish tadbiri oʻtkaziladi. Respublikamizda oxirgi marta aholini roʻyxatga olish ishlari amalga oshirilganligiga 30 yil boʻldi. Buning natijasida aholining haqiqiy hayot tarzini oʻrganish va ularga amaliy yordam koʻrsatishda qator qiyinchiliklar vujudga keldi. Aholini roʻyxatga olish jarayoni uch bosqichni qamrab oladi.  Birinchisi - tayyorgarlik bosqichi. Bu uch yilga yaqin vaqt davom etadi. Bunda, aholini roʻyxatga olish jarayonlarida faol ishtirok etishi boʻyicha aholi oʻrtasida targʻibot ishlarini olib borish, reklama roliklari, logotip va shiorlar ishlab chiqish hamda aholini roʻyxatga olish bilan…

19-iyul kuni MechaUz loyihasi konsorsiumi ishlab chiqarish va ta’lim ob’ektlariga tashriflar bilan samarali vaqt o‘tkazdi. Tashrif CITIN – Industrial Technological Interface Center markazidan boshlandi, u yerda loyiha hamkorlari markazga ta’lim va ishlab chiqarish integratsiyasini amalga oshirish imkonini beruvchi texnologiya va metodologiyalar bilan tanishdilar. CITIN direktori Serxio Lopes markazda olib borilayotgan ishlar, xususan, sanoat 5.0 ga o‘tish bo‘yicha olib borilayotgan tadqiqotlar haqida juda qiziqarli ma’lumotlarni taqdim etdi. Serxio Lopes bu borada O‘zbekiston oliy ta’lim muassasalari bilan hamkorlik qilishga tayyorligini bildirdi. So‘z yosh va kichik kompaniyalarga o‘z biznes-rejalarini to‘liq ishlab chiqish, loyihalarini amalga oshirish uchun mablag‘ olishda yordam berish bilan shug‘ullanuvchi INCUBO…

Joriy yilning 18-iyuldan 23 iyulgacha, Portugaliyaning Viana-du-Kastelo politexnika institutida, Erasmus+ CBHE loyihasi doirasida “MechaUz – innovatsion g‘oyalar va raqamli texnologiyalar orqali O‘zbekistonda bakalavriatda mexatronika va robototexnikani modernizatsiya qilish” 2-trening va loyiha-hamkorlarning 4-uchrashuvi bo‘lib o‘tmoqda. 18 iyul kuni loyiha hamkorlari institutda loyiha faoliyati bilan bog'liq juda muhim masalalar va jihatlarni muhokama qilish uchun yig'ilish o'tkazdilar. Uchrashuv IPVC prezidenti Karlos Rodrigesning kirish nutqi bilan boshlandi. Uning taʼkidlashicha, Yevropa va Oʻzbekiston universitetlarining ushbu loyiha doirasidagi hamkorligi loyiha faoliyati yakunlangan davrda ham tarmoqni barqaror rivojlantirish uchun katta imkoniyatlar yaratadi. IPVC vakillari loyiha bilan bog'liq asosiy masalalarni muhokama qilish, o'qituvchilar va muhandislar uchun treninglar, shuningdek,…

2022 yilning 14 iyul kuni, Toshkent shahridagi Turin Politexnika universiteti xodim, professor  o‘qituvchi va talabalari ishtirokida “O‘zbekiston Respublikasining Konstitutsiyasiga o‘zgartirish va qo‘shimchalar kiritish to‘g‘risida”gi O‘zbekiston Respublikasining Konstitutsiyaviy qonun  loyihasining muhokamasi bo‘lib o‘tdi. Videokonferensaloqa shaklida tashkil etilgan tadbirda, Olmazor tuman adliya bo‘limi boshlig‘i Shamsiddin Amonov ishtirok etib, Konstitutsiyaga kiritilishi kutilayotgan o‘zgartirish va qo‘shimchalarning ahamiyati, dolzarbligi haqida batafsil to‘xtalib o‘tdi. Konstitutsiyaviy qonun loyihasi Konstitutsiyaning 60 dan ortiq moddalariga tuzatishlar, shuningdek 6 ta yangi moddalarning kiritilishi nazarda tutmoqda.Tadbir davomida ishtirokchilar Konstitutsiyaviy qonun loyihasi yuzasidan o‘z fikr-mulohazalarini bildirib, qiziqtirgan savollarga javob oldilar.

5 va 6 iyul kunlari TTPUda ikkinchi kirish imtihonlari bo‘lib o‘tdi. Imtihon jarayonini ochiq va shaffof o‘tkazish va nazorat qilish maqsadida Italiyaning Turin politexnika universiteti professorlari imtihonda ishtirok etdilar. Eslatib oʻtamiz, “Menejment” yoʻnalishi boʻyicha qabul testi 13-iyul kuni boʻlib oʻtadi. Birinchi va ikkinchi imtihonlarga kela olmagan abituriyentlar sentyabrda boʻlib oʻtadigan 3-kirish imtihoniga kirish imkoniyatiga ega boʻladi.

2022 yilning 24 iyun kuni, Toshkent shahridagi Turin Politexnika universitetida Italiyada o'qish uchun stipendiyalarni qo'lga kiritgan talabalar bilan uchrashuv bo'lib o'tdi. 40 ga yaqin TTPU talabalari Erasmus almashinuv dasturi doirasida 2022 yil kuzgi semestrini Politecnico di Torinoda (Italiya) o'qish imkonini qo'lga kiritdilar. Aksariyat talabalar semestr davomida oylik 850 evro miqdorida stipendiya oladi, shuningdek, ularning ikki tomonlama chiptalari qoplanadi. Interaktiv shaklda o'tkazilgan uchrashuvda, TTPU o'quv va ilmiy ishlar bo'yicha prorektori Fulvio Rinaudio talabalar bilan suhbatlashdi. Suhbat davomida talabalar Italiyada yashash va o'qish haqida  qiziqtirgan barcha savollariga javob oldilar. Ma'lumot uchun: Toshkent shahridagi Turin Politexnika universiteti Politecnico di bilan 2-va 3-kurs talabalari…

Joriy yilning 1 iyun kuni “MechaUz – innovatsion g‘oyalar va raqamli texnologiyalar orqali O‘zbekiston oliy ta’lim muassasalari uchun mexatronika va robototexnikani modernizatsiya qilish” Erasmus+ loyihasi konsorsiumi a’zolari Vilnyus Balday mebel ishlab chiqarish zavodiga tashrif buyurishdi. Tashrifdan maqsad universitetdagi ishlab chiqarish jarayonlari bilan yaqindan tanishish edi. Konsorsium aʼzolari xomashyo yetkazib berishdan tortib, yakuniy mahsulotni qadoqlashgacha boʻlgan toʻliq ishlab chiqarish tsikli bilan tanishtirildi. Zavod mehmonlari ishlab chiqarishni avtomatlashtirishning yuqori darajasini qayd etdilar. Shuningdek, zavod Vilnyus Gediminas texnika universiteti bilan juda yaqin ilmiy va amaliy aloqalarga ega ekanligi aniqlandi. Uchrashuv so‘ngida mehmonlar oliy o‘quv yurtlarida mexatronika va robototexnika fanlarini o‘qitishning yangi texnologiyalarini joriy…

2022-yil 30-may kuni Vilnyus Gediminas Texnika Universitetida (VILNIUS Tech) Yevropa Ittifoqining Erasmus + CBHE dasturining MechaUZ loyihasi bo‘yicha 3-yig‘ilishi boshlandi. Ushbu yig’ilish hamkorlarning o’zaro ushrashuvi va maxsus treningni bo’lib o’tdi. Yigʻilishning birinchi kunida loyihaning barcha hamkorlari: 6 ta Yevropa universiteti (Xalqaro yunon universiteti (Saloniki, Gretsiya) - Loyiha koordinatori, Janubi-Sharqiy Yevropa tadqiqot markazi (Saloniki, Gretsiya), Vilnyus Gediminas texnika universiteti (Vilnyus, Litva), Liepaja universiteti (Liepaja, Latviya), Vidzeme amaliy fanlar universiteti (Valmiera, Latviya), Viano do Castello politexnika instituti (Viano do Kastelo, Portugaliya) va O‘zbekistonning 6 ta universiteti: Andijon mashinasozlik instituti (Andijon)) – Toshkentdagi Turin politexnika universiteti (Toshkent), Farg‘ona politexnika instituti (Farg‘ona), Toshkent axborot texnologiyalari…

Hozirgi kunga kelib, innovatsion texnologiyalar hayotimizning har bir jabhasiga misli ko‘rilmagan tezlik bilan kirib bormoqda. Ana shunday texnologiyalardan bo‘lgan “virtual reallik” ning ta’lim sohasidagi ahamiyati tobora ortmoqda. Universitet o‘quv jarayoniga shunday innovatsion texnologiyalarni tadbiq etish maqsadida, Toshkent shahridagi Turin Politexnika Universiteti, hamda “ALPHA DX GROUP” kompaniyasi o‘rtasida qo‘shma korxonani tashkil etish bo‘yicha kelishuv imzolandi. Asosiy maqsad, ta’lim sifati va talabalarning ta’lim olishga qiziqishini  oshirish, o‘quv jarayoniga  virtual reallik, blokcheyn va NFT texnologiyalarini joriy etish va ushbu texnologiyalar asosida o‘quv materiallar (kontentlar)ni shakllantirish. Yangi innovatsion konsepsiyani shakllantirish orqali, AR va VR texnologiyalariga asoslangan, EduVerse innovatsion konsepsiyasini Turin Politexnika Universitetida o‘quv jarayonlariga tadbiq etish va “2+2” ta’lim dasturlarini ochish ko‘zda tutilga. Ushbu maqsadda universitetimizda alohida laboratoriya shakllantirilib, EduVerse uchun kerak bo‘ladigan uskunalar sotib olinmoqda Kelgusida EduVerse orqali boshqa ta’lim maskanlariga yangi kontent yaratish maqsadida hamkorlar bilan o‘quv platformasini shakllantirish rejalashtirilgan.