Joriy yilning 29-noyabr kuni Toshkent shahridagi Turin politexnika universitetida ITIC kompaniyasi vakili hamda universitet talabalari ishtirokida uchrashuv bo'lib o'tdi. Unda kompaniya tomonidan ishlab chiqilgan IT Skills platformasining imkoniyatlari shuningdek, global IT bozoriga innovatsion yondashuv orqali oson kirib borish hamda milliy va xalqaro kompaniyalarda ishlash haqida batafsil ma'lumot berib o'tildi. Tadbir davomida ishtirokchilar platforma testlaridan sinab ko'rish imkoniyatiga ega bo‘lib, dasturlash bo‘yicha o‘z bilimlarini sinovdan o‘tkazdilar.

Toshkent shahridagi Central Asian University’da “AI EVOLUTION 2024” konferensiyasi o‘tkazildi. Tadbirda Wikipedia asoschisi va dunyoning eng nufuzli shaxslaridan biri Jimmy Wales, sun’iy intellekt bo‘yicha 14 yildan ortiq tajribaga ega ekspert Zack Kass va boshqa sun’iy intellekt va raqamli texnologiyalar sohasidagi yetakchi mutaxassislar ishtirok etdi. Konferensiyada sun’iy intellektni biznes va boshqa sohalarda qo‘llash strategiyalari haqida qiziqarli ma’lumotlar berilib, texnologiyalar kelajagi bilan bog‘liq yangi g‘oyalar va innovatsion yechimlar, xususan, sun’iy intellekt va blokcheynning imkoniyatlari haqida fikr almashildi. Shuningdek, tadbir doirasida bo'lib o'tgan IT-xakaton final bosqichi, tadbirning eng yorqin lahzasiga aylandi. Final natijalariga ko'ra, Toshkent shahridagi Turin politexnika universiteti talabalari g'olib deya topilib,…

Joriy yilning 27-noyabr kuni Toshkent shahridagi Turin politexnika universitetida IT Park O‘zbekistonning ijrochi direktori Abdulahad Kuchkarov ishtirokida ochiq muloqot bo‘lib o‘tdi. Tadbir avvalida, mehmon uchun TTPU rektori O.To‘ychiyev tomonidan universitet bo‘ylab ekskursiya tashkil etilib, Universitet faoliyati, talabalar uchun yaratilayotgan shart-sharoitlar, professor-o‘qituvchilarning ilmiy izlanishlari hamda talaba-yoshlar tomonidan amalga oshirilayotgan innovatsion loyihalar bilan tanishtirildi. 🔺Ochiq muloqot davomida A.Kuchkarov talaba-yoshlar bilan IT sohasida faoliyatni boshlash uchun zarur bo‘lgan ko‘nikmalar va ularni rivojlantirish usullari, IT Park tomonidan startaplarni qo‘llab-quvvatlash dasturlari, investorlarni topish hamda loyihalar uchun mablag‘ jalb qilish bo‘yicha samarali usullar, shuningdek, O‘zbekistonning IT sektoridagi imkoniyatlar va istiqbollar haqida batafsil so'z yuritib, o'zining qimmatli…

2024-yilning 19–21-noyabr kunlari Toshkent shahridagi Turin politexnika universiteti (TTPU) rektori To'ychiyev O.A. boshchiligidagi TTPU professor-o’qituvchilaridan iborat delegatsiya Ispaniyaning Madrid shahridagi Madrid Politexnika Universitetida o‘tkazilgan "Yashil bitim doirasida barqaror transport" mavzusidagi muhim treningda ishtirok etdi. Tadbir barqaror transport bo‘yicha innovatsion yechimlarni rivojlantirishga qaratilgan bo‘lib, unda ekspertlar, olimlar va soha mutaxassislari qatnashdi. Trening Madrid Politexnika Universitetining mashhur avtomobil tadqiqot instituti Universitet avtomobil tadqiqotlari institutiga (INSIA) tashrif bilan boshlandi. U yerda delegatsiya transport texnologiyalari bo‘yicha eng yangi yutuqlar bilan tanishishdi. Shuningdek, TTPU vakillari Madrid Politexnika Universitetining Telekommunikatsiya muhandisligi fakultetiga tashrif buyurilib, barqaror yechimlar bo‘yicha olib borilayotgan ishlanmalar haqida batafsil ma’lumotga ega bo‘ldilar. Ikkinchi…

Talaba yoshlarni ishlab chiqarish jarayoni bilan yaqindan tanishtirish hamda ta'lim va sanoat integratsiyasini samarali yo‘lga qo‘yish maqsadida tashkil etilgan mazkur tadbirda, korxona vakillari tomonidan korxona faoliyati, tarixi va ishga joylashish tartibi bo‘yicha taqdimotlar namoyish qilindi. Talabalar zavodning payvandlash va yig‘ish bo‘limlari, korxona faoliyati davomida ishlab chiqarilib, ko‘rgazmaga qo‘yilgan ixchamgina dvigatellar muzeyi hamda atvomobil dvigatellari qay tartibda ishlab chiqarilishining to‘liq jarayonini ko‘rish imkoniyatiga ega bo‘ldilar. Ekskursiya yakunida esa barcha tashrif buyurganlarga korxona tomonidan esdalik sovg‘alari taqdim etildi.

2024-yil 18-22-noyabr kunlari tashkil etilgan mazkur tadbir davomida Portugaliyaning Evora universitetida tajribali professor-o'qituvchilar va sanoat mutaxassislarining quyosh energiya tizimlariga bag'ishlangan bir qator ma'ruzalari tinglandi va muhandislik korxonalariga tashrif amalga oshirildi. Shuningdek, hamkorlik doirasida Toshkent shahridagi Turin politexnika universiteti va Evora Universiteti o'rtasida anglashuv Memorandumi imzolandi. Ushbu memorandum o'zaro aloqalarni mustahkamlash, xususan, qayta tiklanuvchi energiya manbaalarini rivojlantirish bo'yicha kelajakdagi qo'shma tashabbuslarni amalga oshirishga zamin yaratadi.

Joriy yilning 20-noyabr kuni Toshkent shahridagi Turin politexnika universitetida Oʻzbekiston va Yevropa Ittifoqi “Barqaror energetika Kunlari” doirasida energetika sohasidagi ekspertlar maʼruzalari boʻlib oʻtdi. Joriy yilning 20-noyabr kuni Toshkent shahridagi Turin politexnika universitetida Oʻzbekiston va Yevropa Ittifoqi “Barqaror energetika Kunlari” doirasida energetika sohasidagi ekspertlar maʼruzalari boʻlib oʻtdi.Tadbir avvalida, mehmonlar uchun TTPU boʻylab tur tashkil etilib, Universitet faoliyati, xususan professor-oʻqituvchilar ilmiy tadiqqotlari va talabalar ishlanmalari bilan yaqindan tanishtirildi. Tadbirda Toshkent shahridagi Turin politexnika universiteti, Toshkent arxitektura-qurilish universiteti, Islom Karimov nomidagi Toshkent davlat texnika universiteti, Toshkent irrigatsiya va qishloq xoʻjaligini mexanizatsiyalash muhandislari instituti hamda Toshkent kimyo-texnologiya instituti talabalari va professor-oʻqituvchilari ishtirokida o'tkazilgan mazkur…

Toshkent shahridagi Turin politexnika Universiteti (TTPU) Erasmus+ I2PLEDGE loyihasi doirasida Malaka oshirish va qayta tayyorlash markazi o‘z ishini boshladi. Mazkur markaz TTPUning Maxsus Laboratoriyasida joylashgan va uning barcha infratuzilmasi va imkoniyatlaridan foydalanadi. Markazda o‘zining ilmiy-amaliy tajribalarini oshirishni maqsad qilgan professor-o‘qituvchilar va mutaxassislar uchun zamonaviy treninglarni tashkil etilmoqda, xususan Mexanika va Aerokosmik muhandislik, Avtomatik boshqaruv, shuningdek Kompyuter muhandisligi kafedralarining 10 nafar professor-o‘qituvchilari Biotibbiyot muhandisligi yo‘nalishidagi treningda ishtirok etib, o'zlarining ilmiy va amaliy tajribalarini oshirmoqdalar.Bundan tashqari, markaz sog‘liqni saqlash, biotibbiyot va diagnostika sohalarida faoliyat yuritayotgan hodimlarga o’z malaka darajasini oshirish imkonini beruvchi kasbiy rivojlanish kurslarini taklif etmoqda. Ushbu kurslar nafaqat zamonaviy texnologiyalarni,…

Joriy yilning 16-noyabr kuni Toshkent shahridagi Turin politexnika universitetida “Graduation Ceremony - 2024” diplom topshirish marosimi bo‘lib o‘tdi. Tadbirda Oliy ta’lim, fan va innovatsiyalar vaziri Sharipov Kongratbay Avezimbetovich, Italiyaning O‘zbekistondagi favqulodda va muxtor elchisi Agostino Pinna, Nobel mukofoti laureati Rae Kwon Chung, Toshkent shahridagi Turin politexnika universiteti rektori To‘ychiyev Olimjon Alijonovich, Italyan prorektorlar Alberto Sapora va Stefano Paolo Pastorelli kabi nufuzli mehmonlar, shuningdek, TTPU hamda Politecnico di Torino professor-o‘qituvchilari, universitet bitiruvchi talabalari va ularning oila a’zolari, do‘stlari ishtirok etdi. Tadbir boshida O‘zbekiston Respublikasi Davlat madhiyasi yangradi. Shundan so‘ng, mehmonlar birin-ketin so‘zga chiqib, bitiruvchi-talabalarga kelgusi ishlariga omad va zafarlar tiladilar. Bitiruvchilarga…

Joriy yilning 15-noyabr kuni Toshkent shahridagi Turin politexnika universitetida tajribali prodyuser, SMM va IT loyihalari koordinatori Nodira Muminovaning "SMM va prodakshn" mavzusidagi mehmon ma'ruzasi bo'lib o’tdi. Ushbu tadbirda TTPU talabalari SMMdagi zamonaviy trendlar, amaliy keyslar va muvaffaqiyatli SMM jamoasini yaratish va boshqarish uchun zarur strategiyalar bo'yicha ma'lumotlarga ega bo'lishdi. Shuningdek, Nodira Muminova talabalar bilan o'zining raqamli marketing sohasidagi ajoyib karyerasini shakllantirgan muhim qadamlar va tajribalari bilan o’rtoqlashdi.

Joriy yilning 15-noyabr kuni "Zakovat arena"da “Toshkent yoshlarni sevadi” oyligi doirasida fan va ta'lim yo'nalishi bo'yicha ochiq muloqot forumi bo'lib o'tdi. Yoshlar va mutaxassislar o'rtasida bo'lib o'tgan ushbu tadbirda Toshkent shahridagi Turin politexnika universiteti rektori Olimjon To'ychiyev, Oliy Majlis Qonunchilik Palatasi deputati Shaxnoza Joldasova, "Robocode" robototexnika akademiyasi asoschisi Abdulaziz Yakubov, jurnalist Sarvarbek Bahodirov, xalqaro toifadagi o'qituvchi, auditor, buxgalter Ne'matullo Zuvaydullayev ishtirok etdi. Olimjon To'ychiyev o'z nutqida turli sohalarda sun'iy intellektning ahamiyati va uni ta'lim tizimiga joriy etilishi, xususan, TTPUda amalga oshirilayotgan innovatsion loyihalar va talabalarning bu sohadagi yutuqlari haqida batafsil ma'lumot berdi. Tadbirda sun'iy intellektning bugungi kunda qo'llanilish sohalari, kelajakdagi…

Joriy yilning 12-13-noyabr kuni “Qurilish konstruksiyalari, bino va inshootlar (05.09.01)”, “Texnologik jarayonlar va ishlab chiqarishlarni avtomatlashtirish va boshqarish (05.01.08)”, “Matematik modellashtirish. Sonli usullar va dasturlar majmui (05.01.07)”, “G‘ildirakli va gusenitsali mashinalar va ularni ishlatish (05.08.06)” va “Ehtimollar nazariyasi va matematik statistika (01.01.05)” ixtisosliklari bo‘yicha tayanch doktoranturaga kirish imtihonlari bo‘lib o‘tdi. Imtihon natijalariga ko‘ra, saralab olingan munosib nomzodlarni tabriklaymiz va ularning kelgusidagi faoliyatlariga muvaffaqiyatlar tilaymiz!

Joriy yilning 9-noyabr kuni Toshkent shahridagi Turin politexnika universitetida 1-bosqich talabalar ota-onalari uchun majlis bo'lib o'tdi. TTPU rektori O.To'ychiyev, prorektor, kafedra mudirlari, professor-o'qituvchilar hamda tyutorlar ishtirokida bo'lib o'tgan ushbu yig'ilishda Universitet vakillari tomonidan talabalarning dars jarayonlari qanday tashkil etilgani, LMS ta'lim platformasi orqali fanlarni o‘zlashtirish va vazifalarni bajarish tizimi haqida batafsil ma’lumot berildi. Shuningdek, ota-onalarga talabalarning kundalik o‘quv jadvali, baholash mezonlari va akademik yordam xizmatlari haqida so‘z yuritildi.

Joriy yilning 5-noyabr kuni Toshkent shahridagi Turin politexnika universitetida dastur doirasida ilk uchrashuv o‘tkazildi. Unda Ecomobile Group kompaniyasining texnik direktori Nazar Avezov va universitet talabalari ishtirok etdi. Tadbir davomida startap akseleratsiya dasturining maqsad va yo‘nalishlari, ishtirokchilar uchun yaratilgan imkoniyatlar va qo‘llab-quvvatlash xizmatlari haqida batafsil ma’lumot berildi. Mazkur dastur orqali talabalarda kelajakdagi tadbirkorlik faoliyati uchun zarur bilim va ko‘nikmalarni shakllantirish, shuningdek, ularning o‘z startap g‘oyalarini tijoratlash bosqichigacha olib kelishga ko‘maklashish ko‘zda tutilgan.