Bakalavriat ta’lim yo‘nalishlarining bitiruvchi bosqich (4-bosqich) talabalari o‘rtasida quyidagi fanlar bo‘yicha Respublika fan olimpiadasi o‘tkaziladi: 🧪 Kimyo🧬 Biologiya⚛️ Fizika💻 Informatika va axborot texnologiyalari Mazkur olimpiada quyidagi maqsadlarda tashkil etilmoqda:🔹 iqtidorli talabalarni aniqlash;🔹 ularning nazariy bilim va amaliy ko‘nikmalarini sinovdan o‘tkazish;🔹 ilmiy salohiyatini rivojlantirish;🔹 fan va ta’lim integratsiyasini kuchaytirish. 📌 Olimpiada bakalavriat bosqichining tegishli ta’lim yo‘nalishlarida tahsil olayotgan bitiruvchi (4-bosqich) talabalari o‘rtasida o‘tkaziladi. 🗓 Universitet bosqichi — joriy yilning 15-apreligacha🏆 Respublika bosqichi — may oyida 📄 Olimpiada nizomi bilan tanishing:👉 https://turin.uz/wp-content/uploads/2026/03/NY26332484-1_organized.pdf 🚀 Barcha iqtidorli talabalarni faol ishtirok etishga chorlaymiz!

2026-yil 4-mart kuni Toshkent shahridagi Turin politexnika universitetida 8-mart — Xalqaro xotin-qizlar kuni munosabati bilan “Sen azizsan muhtaram ayol” shiori ostida ma’naviy-ma’rifiy bayram tadbiri tashkil etildi. Tadbirda Toshkent shahridagi Turin politexnika universiteti birinchi prorektori Alisher Ashurov, O‘zbekiston metallurgiya va mashinasozlik sanoati tarmoqlari xodimlari kasaba uyushmasi Respublika Kengashi raisi Tal’at Usmonov, O‘zbekiston teatr va kino aktyori, O‘zbekistonda xizmat ko‘rsatgan artist Aleksandr Bekjonov, Toshkent davlat yuridik universiteti professori Firyuza Muhitdinova, shuningdek Toshkent shahri va Toshkent viloyatidagi tarmoq korxonalarining kasaba uyushma faollari, faol xotin-qizlar hamda Respublika kengashi faxriylari ishtirok etdilar. Tadbir davomida faol mehnati va jamoat ishlaridagi tashabbuskorligi bilan ajralib turgan bir qator…

2026-yil 12-fevral kuni Toshkent shahridagi Turin politexnika universitetida O‘zbekiston Respublikasi Oliy ta’lim, fan va innovatsiyalar vazirligi ko‘magida, Taʼlim sifatini taʼminlash milliy agentligi (NQAAE), Yevropa muhandislik ta’limini akkreditatsiya qilish tarmog‘i (ENAEE), Markaziy Osiyo ta’lim sifatini ta’minlash federatsiyasi (CAF), Markaziy Osiyo ta’limni akkreditatsiya qilish assotsiatsiyasi (CAAAE) hamda Toshkent shahar muhandislik ta’limi assotsiatsiyasi bilan hamkorlikda “Yevropa – Markaziy Osiyo: xalqaro mehnat bozoriga raqobatbardosh kadrlarni tayyorlash” mavzusida xalqaro seminar tashkil etildi. Seminarni O‘zbekiston Respublikasi Oliy ta’lim, fan va innovatsiyalar vaziri Qo‘ng‘irotboy Sharipov ochib berdi. Vazir o‘z nutqida muhandislik ta’limini xalqaro standartlar asosida takomillashtirish, ta’lim dasturlarini xalqaro akkreditatsiyadan o‘tkazish hamda bitiruvchilarning global mehnat bozorida raqobatbardoshligini…

💡Kelajakka qadam tashlashga tayyormisiz? Agar sizning tadbirkorlikka qiziqishingiz yoki biznes g'oyangiz bo'lsa, "Kelajakka qadam" markazi sizga imkoniyatlar eshigini ochadi!O‘zbekiston Respublikasi Prezidentining “Oliy ta’lim tashkilotlari bitiruvchilarining ishga joylashishiga ko‘maklashish bo‘yicha qo‘shimcha chora-tadbirlar to‘g‘risida” (PQ-61-son, 14.02.2025-y.) qaroriga muvofiq tashkil etilgan mazkur markaz Universitet bitiruvchilariga:🔺 Kasbiy rivojlanish va amaliy tajriba orttirish;🔺 Ish topishda ko‘maklashish;🔺 Tadbirkorlikni boshlashda qo‘llab-quvvatlash imkoniyatlarini taqdim etadi.⭐️Agar sizda tadbirkorlik g'oyalari bo'lsa yoki startap boshlashni rejalashtirayotgan bo'lsangiz, aynan sizni qidiryapmiz!Bizning so'rovnomamizda ishtirok eting va quyidagilarni qo‘lga kiriting:✅ Tadbirkorlik treninglari va master-klasslar;✅ Startaplar uchun moliyalashtirish imkoniyatlari;✅ Tajribali tadbirkorlar bilan tarmoq yaratish;✅ O‘z biznesingizni boshlashda ko‘mak!🔗So'rovnomani to'ldirish uchun havola: havola❓Batafsil ma'lumot uchun Kelajakka…

2026-yil 27-yanvar kuni Toshkent shahridagi Turin politexnika universitetiga Germaniyaning “Harmonic Drive” tashkiloti hamda Germaniya sanoat va savdo palatasi vakillaridan iborat delegatsiya tashrif buyurdi. Tashrif davomida mehmonlar universitet kampusi, ta’lim binolari va laboratoriyalari bilan tanishib, ta’lim jarayoni, moddiy-texnik baza hamda xalqaro faoliyat haqida ma’lumotlarga ega bo‘ldilar. Shuningdek, tashkil etilgan ikki tomonlama uchrashuv doirasida universitet huzurida yaratilgan startap va robototexnika yo‘nalishlarida olib borilayotgan faoliyat, xususan, ilmiy-texnik ishlanmalar hamda robototexnikada qo‘llanilayotgan zamonaviy texnologiyalar va yuqori aniqlikdagi harakat uzatish tizimlari bilan tanishtirildi. Uchrashuv yakunida ilmiy-tadqiqot ishlari, startap loyihalarini qo‘llab-quvvatlash hamda talabalar va yosh tadqiqotchilar uchun amaliy tajriba almashinuvi masalalari muhokama qilindi.

Toshkent shahridagi Turin politexnika universitetida hamda Italiya Savdo Sanoat agentligi (ITA – Italian Trade Agency ) o‘rtasidagi hamkorlik asosida tashkil etilgan Italiya-O'zbekiston Ilg'or muhandislik markazida zamonaviy payvandlash uskunalari (Italiyada ishlab chiqarilgan uskunalar) asosida amaliy o‘quv mashg‘ulotlari boshlandi. Mazkur Ilg'or Muhandislik Markazi “Made in Italy” texnologiyalari asosida mutaxassislarni tayyorlashga xizmat qilmoqda. Ushbu hamkorlik loyihasi doirasida yetkazib berilgan payvandlash uskunalari universitetimizda Welding Class (Payvandlash kurslari) mashg‘ulotlariga to‘liq joriy etilgan. Hozirda talabalar tajribali mutaxassislar rahbarligida quyidagilarni bosqichma-bosqich o'rganishmoqda: ⚙️Payvandlash uskunalarining texnik tuzilishi va ishlash asoslari⚙️Sanoat xavfsizligi va mehnat muhofazasi talablari⚙️Zamonaviy payvandlash texnologiyalaridan to‘g‘ri va samarali foydalanish⚙️Amaliy vazifalar asosida payvandlash jarayonlarini bajarish Mazkur amaliy…

2025-yil 21-noyabr kuni Toshkent shahridagi Turin politexnika universitetida “Ponte Japan LLC” kompaniyasi vakillari bilan uchrashuv bo‘lib o‘tdi. Tashrifdan maqsad – universitetda Yapon tili markazini ochish va o‘zaro hamkorlik imkoniyatlarini muhokama qilish bo‘ldi. Uchrashuv doirasida:Delegatsiya universitet laboratoriyalari, o‘quv jarayoni va mavjud til kurslari bilan tanishdi. Tomonlar TTPUda Yapon tili o‘qitish kurslarini yo‘lga qo‘yish, talabalar uchun yuqori darajada o‘qitish tizimini joriy etish hamda kelgusida Yaponiyada amaliyot va ish imkoniyatlarini yaratish bo‘yicha muzokaralar olib bordilar. Muzokaralar yakunida tomonlar ikki tomonlama hamkorlikni kengaytirish va birgalikdagi loyihalarni amalga oshirish borasida kelishib oldilar.

Oliy ta’lim, fan va innovatsiyalar vazirining birinchi o‘rinbosari Sardor Rajabov, vazirlik vakillari hamda Toshkent shahridagi Turin politexnika universiteti rektori Olimjon To’ychiyev Anhalt amaliy fanlar universiteti kampusiga tashrif buyurdilar. Tashrif davomida delegatsiya universitetning laboratoriyalari, ilmiy markazlari va o‘quv auditoriyalari bilan tanishdi va professor-o‘qituvchilar bilan fikr almashdi, hamda ikki tomonlama akademik hamkorlik istiqbollari muhokama qilindi. Ushbu tashrif O‘zbekiston va Germaniya oliy ta’lim muassasalari o‘rtasidagi ilmiy-innovatsion hamkorlikni yanada kuchaytirishga xizmat qiladi.

2025-yil 20-noyabr kuni Toshkent shahridagi Turin politexnika universitetida “O‘zbekistonda sanoat iqtisodiyotining barqaror rivojlanish tendensiyalari va ularning ta’lim jarayoni bilan bog‘liqligi” mavzusida Ilmiy-amaliy konferensiya bo‘lib o‘tdi. Konferensiyada iqtisodiyot va menejment, ishlab chiqarishni boshqarish, ta’lim va texnologiya, moliyaviy texnologiyalar, texnologik rivojlanish uchun iqtisodiy siyosat, axborot va kommunikatsiya texnologiyalari kabi dolzarb yo‘nalishlar keng muhokama qilindi. Tadbirda oliy ta’lim muassasalari vakillari, tadqiqotchilar, soha mutaxassislari hamda talabalar ishtirok etib, o‘z ilmiy natijalarini taqdim etdilar, ilg‘or tajribalar bilan o‘rtoqlashdilar va iqtisodiyotni barqaror rivojlantirishga oid yangi qarashlarni muhokama qildilar. Konferensiya kasbiy muloqot, akademik hamkorlikni mustahkamlash va ta’lim hamda sanoat o‘rtasidagi aloqalarni yanada yaqinlashtirishda muhim maydon bo‘lib xizmat…

2025-yil 18-noyabr kuni Toshkent shahridagi Turin politexnika universiteti (TTPU) va Singapur xalqaro maktabi o‘rtasida yangi ta’lim hamkorligi doirasida maktabning 11-sinf o‘quvchilari bilan uchrashuv o‘tkazildi. Hamkorlik “NCC Education” ta’lim tashkilotining Level 3 International Foundation Diploma dasturini o‘qitishga yo‘naltirilgan bo‘lib, ushbu dastur o‘quvchilarga xalqaro ta’lim standartlariga muvofiq tayyorgarlik ko‘rish va keyinchalik oliy ta’limni mamlakatimiz yoki xorijdagi yetakchi universitetlarda davom ettirish imkonini beradi. Tadbirda TTPU prorektori B.Yoqubov hamda o‘quv-uslubiy bo‘lim mutaxassisi X.Nurmuxamedov ishtirok etib, dastur mazmuni, ta’lim jarayoni va imkoniyatlari haqida batafsil ma’lumotlar berishdi. Uchrashuv davomida o‘quvchilar va ota-onalarning savollariga javob berildi hamda o‘qishga qiziqish bildirgan nomzodlar bilan uch tomonlama shartnomalar imzolandi.

2025-yil Germaniyada bo‘lib o‘tayotgan Germaniya–O‘zbekiston Rektorlar Forumi doirasida, Toshkent shahridagi Turin politexnika universiteti rektori Olimjon To'ychiyev, Germaniyaning Kempten Amaliy fanlar universiteti professori Arthur Kolb hamda Toshkent shahridagi Kimyo texnologiyalari universiteti (KIUT) prorektori Jamshid Kaniyev o‘rtasida uch tomonlama hamkorlik to‘g‘risidagi memorandum rasmiy imzolandi. Imzolangan memorandum quyidagi yo‘nalishlarni qamrab oladi: professor-o‘qituvchilar va talabalar uchun akademik almashinuv dasturlari; yozgi maktablarni birgalikda tashkil etish; ilmiy tadqiqotlar va innovatsion loyihalarda hamkorlik; universitet–sanoat integratsiyasini rivojlantirish. Ushbu kelishuv universitetlar o‘rtasidagi strategik hamkorlikni mustahkamlaydi hamda Germaniya–O‘zbekiston ta’lim va ilmiy aloqalarini yanada kengaytirishga xizmat qiladi.

2025-yil 18-noyabr kuni Germaniyada bo‘lib o‘tayotgan Germaniya–O‘zbekiston Rektorlar Forumi doirasida, Toshkent shahridagi Turin politexnika universiteti (TTPU) rektori Olimjon To'ychiyev va Anhalt amaliy fanlar universiteti – Hochschule Anhalt (HSA) rektori prof. Jörg Bagdahn o‘rtasida akademik hamkorlikni yangi bosqichga olib chiqadigan o‘zaro hamkorlik to‘g‘risidagi memorandum imzolandi. Tadbir Germaniyadagi O‘zbekiston Respublikasining Elchixonasi binosida o‘tkazildi va ikkala davlat oliy ta’lim muassasalari rahbarlarini bir joyga jamladi. Ushbu memorandum ikki universitet o‘rtasida uzoq muddatli va strategik hamkorlik, jumladan, qo‘shma ta’lim dasturlarini joriy etish va rivojlantirish (1+1 hamda ikki diplomli magistratura dasturlari), professor-o‘qituvchi va talabalar almashinuvi dasturlari, qo‘shma ilmiy tadqiqot loyihalarini ishlab chiqish uchun mustahkam platforma yaratadi.

2025-yil 19-noyabr kuni Toshkent shahridagi Turin politexnika universitetida “Jinting Automobile Electric” kompaniyasi (Bosh direktor – Yao Jingyu) vakillari bilan uchrashuv bo‘lib o‘tdi. Suhbat davomida sanoat ehtiyojlariga mos yuqori malakali mutaxassislar tayyorlash, ta’lim jarayonini ishlab chiqarish bilan yanada yaqinlashtirish, talabalar va bitiruvchilar uchun haq to'lanadigan amaliyot, hamkorlikning ustuvor yo‘nalishlarini kengaytirish masalalari muhokama qilindi. Mazkur hamkorlik TTPU talabalari va bitiruvchilari uchun real ishlab chiqarish muhitida amaliy tajriba orttirish imkoniyatlarini kengaytiradi, sanoatga malakali kadrlar tayyorlash jarayonini yangi bosqichga olib chiqadi. Tashrif yakunida TTPU va “Jinting Automobile Electric” o‘rtasida bitiruvchi talabalar malakasini oshirish hamda amaliyot orqali tajriba orttirish imkoniyatlarini kengaytirishni nazarda tutuvchi o‘zaro anglashuv…

Joriy yilning 18-noyabr kuni Toshkent shahridagi Turin politexnika universiteti (TTPU) rektori Olimjon To'ychiyev Berlin shahrida yashab, Tesla kompaniyasining Autopilot AI loyihasida faoliyat yuritgan o‘zbek texno-tadbirkori Jaloliddinmirzo Shukhratov bilan “Uzbegim” loyihasi doirasida uchrashuv o‘tkazdi. Suhbat davomida rektor Olimjon To'ychiyev, loyiha bo'yicha tashabbusni to‘liq qo‘llab-quvvatlashini bildirib, TTPU ushbu loyihani amaliyotga tatbiq etishda hamkorlikka tayyor ekanini ta’kidladi. Universitetning iqtidorli talabalari, ilmiy salohiyati va kengayib borayotgan innovatsion infratuzilmasi “Uzbegim” loyihasi rivojiga ulkan hissa qo‘shishi qayd etildi. O‘z navbatida, Jaloliddinmirzo Shukhratov rektorning ochiqligi va strategik qarashlariga minnatdorlik bildirib, shunday dedi:“Agar O‘zbekistonda o‘qish imkoniyatim bo‘lganida, men albatta TTPUni tanlagan bo‘lardim”

2025-yil 18-noyabr kuni Toshkent shahridagi Turin politexnika universitetiga Hua Yue — Shanxay Zhiguang Politexnika kolleji “Inson yashash muhiti va Arxitektura dizayni” yo'nalishi raisi boshchiligidagi delegatsiya tashrif buyurdi. Tashrif doirasida mehmonlar universitet kampusi, o‘quv binolari va laboratoriyalari bilan tanishib, ta’lim jarayoni hamda xalqaro hamkorlik yo‘nalishlari haqida ma’lumotga ega bo‘ldilar. Uchrashuv davomida kasbiy ta’lim, arxitektura va dizayn sohalarida tajriba almashish, qo‘shma seminarlar va o‘quv loyihalarini tashkil etish masalalari muhokama qilindi. Shuningdek, Professor Hua Yue tomonidan “Shaharlarni yangilash sharoitida arxitektura dizayni kasbiy ta’limi” mavzusida TTPU talabalari uchun akademik seminar o‘tkazildi. Tashrif yakunida o‘zaro akademik va amaliy hamkorlikni rivojlantirishni nazarda tutuvchi anglashuv memorandumi imzolandi.

2025-yil 17-noyabr kuni Toshkent shahridagi Turin politexnika universiteti rektori Olimjon To‘ychiyev hamda Kaiko Systems kompaniyasi asoschisi Eddy Del Valle o‘rtasida Germaniyaning Berlin shahrida uchrashuv bo‘lib o‘tdi. Tomonlar o‘zaro hamkorlikning yangi yo‘nalishlari va istiqbollarini muhokama qildilar. Uchrashuvda rektor Olimjon To‘ychiyev TTPU bitiruvchilarining xorijdagi yutuqlari, ularning yirik xalqaro kompaniyalarda yetakchi lavozimlarga erishayotgani haqida ta’kidladi. O‘z navbatida, Eddy Del Valle TTPUning ta’lim modeli va talabalarining salohiyatini yuqori baholadi. Hamkorlik natijasida, TTPU talabalari Berlin shahridagi Kaiko Systems kompaniyasida ilg‘or texnologik yo‘nalishlarda amaliyot o‘tash imkoniyatiga ega bo‘lishlari ma’lum qilindi. Shuningdek, uchrashuv davomida TTPU rektoriga, o‘zbek texnologik tadbirkori Jalol Shukhratov tomonidan sun’iy intellektga asoslangan travel companion…

Bayrog‘imiz - xalqimizning tarixiy xotirasi va intilishlarini o‘zida mujassam etib, tinch va osoyishta, ozod va erkin hayotimiz, yorug‘ kelajagimizga bo‘lgan ishonchning ifodasi sanaladi! Toshkent shahridagi Turin Politexnika Universiteti barchangizni davlatimiz ramzlaridan bo‘lmish bayroq qabul qilinganligining 34 yilligi bilan samimiy qutlaydi!