Joriy yilning 28-yanvar kuni Oʻzbekiston Respublikasi Oliy taʼlim, fan va innovatsiyalar vaziri Qoʻngʻirotboy Sharipov, Toshkent shahridagi Turin politexnka universiteti rektori O.To‘yichiyev va Turin shahri meri Stefano Lo Russo boshchiligidagi Italiya delegatsiyasi ishtirokida uchrashuv bo‘lib o‘tdi.Uchrashuvda ikki mamlakat oʻrtasida taʼlim, fan va innovatsiya sohalaridagi aloqalarni yanada rivojlantirish va yangi tashabbuslarni amalga oshirish masalalari muhokama qilindi. Mazkur uchrashuvda Toshkent shahridagi Turin politexnika universiteti rektori Olimjon To‘ychiyev universitet va Italiya oliy taʼlim muassasalari oʻrtasidagi hamkorlikning istiqbollari yuzasidan oʻz fikrlarini bildirdi. Turin politexnika universitetining Italiyadagi bosh kampusida o‘zbek talabalariga alohida yotoqxona ajratish, Toshkent shahridagi Turin politexnika universitetida inkubator markazini tashkil etish hamda talabalarning Italiya…

Toshkent shahridagi Turin politexnika universiteti vakillari Muhammad al-Xorazmiy nomidagi ixtisoslashtirilgan maktab-internati Nukus filialiga tashrif buyurib, STEM fanlariga qiziqishni oshirish hamda o‘quvchilarni kelgusida muhandislik sohasida oliy ta’lim olishga ilhomlantirish maqsadida uchrashuv tashkil etdi. Uchrashuvda TTPU rektori Olimjon To‘ychiyev, "Mashinasozlik va Aerokosmik muhandisligi" kafedra mudiri Jasurxo‘ja Xolxo‘jaev, Marketing va karyerani rivojlantirish boshqarmasi boshlig‘i o‘rinbosari Toirxo‘ja Maxamatxo‘jayev, TTPUning qoʻshma ta'lim dasturi - AKITA menejeri Furqat A’zimov, shuningdek, 1-sonli ixtisoslashtirilgan maktab-internati direktori Marat Ibraimov ham ishtirok etdi. Tadbir davomida o‘quvchilar grantlar, stipendiyalar, yozgi maktablar va TTPUda ta’lim olish imkoniyatlari haqida batafsil ma’lumotlarga ega bo‘lishdi. Uchrashuv yakunida oʻquvchi yoshlar oʻrtasida qiziqarli o‘yinlar o‘tkazilib, faol qatnashgan…

Joriy yilning 10-yanvar kuni Toshkent shahridagi Turin politexnika universiteti, Taʼlimni rivojlantirish respublika ilmiy-metodik markazi hamda Koreya Milliy transport universiteti hamkorligida tashkil etilgan Sunʼiy intellekt va robototexnika asoslarini oʻrgatish boʻyicha “Qishki maktab” yopilish marosimi bo‘lib o‘tdi. Unda Toshkent shahridagi Turin politexnika universiteti, Ta’limni rivojlantirish markazi mutasaddilari hamda Janubiy Koreyaning Koreya Milliy transport universiteti vakillari, “Qishki maktab”da qatnashgan o‘qituvchilar va o‘quvchilar ishtirok etdi. Ta’kidlash lozimki, 6–10-yanvar kunlari Toshkent shahridagi Turin Politexnika universitetida o‘tkazilgan mashg‘ulotlarda koreyalik mutaxassislar tomonidan Toshkent shahridagi 12 ta maktabning bitiruvchi sinf oʻquvchilari va Informatika va axborot texnologiyalari fani oʻqituvchilariga sunʼiy intellekt va robototexnika asoslari oʻqitildi.   Bunda oʻquvchilar sunʼiy intellekt…

Joriy yilning 6-yanvar kuni Toshkent shahridagi Turin politexnika universiteti va Taʼlimni rivojlantirish respublika ilmiy-metodik markazi vakillari ishtirokida uchrashuv tashkil etildi. Tadbir davomida O'zbekistonda STEM taʼlimini rivojlantirish, xususan, hamkorlikda umumiy oʻrta, oʻrta maxsus va boshlangʻich professional taʼlim tashkilotlari oʻquvchilarning STEM fanlariga boʻlgan qiziqishlarini oshirish, iqtidorli oʻquvchilarni aniqlash hamda ragʻbatlantirish masalalari muhokama qilindi. Uchrashuv so'ngida tomonlar o'rtasida o'zaro anglashuv memorandumi imzolandi. Mazkur memorandumga asosan, joriy yilning fevral-may oylarida STEM, xususan, matematika, fizika, kimyo, biologiya, informatika va axborot texnologiyalari fanlari boʻyicha olimpiada testbor.uz platformasi orqali ikki bosqichda (hududiy va respublika) oʻtkaziladi.

Oʻzbekiston Respublikasi Prezidentining 2023-yil 20-apreldagi PQ-128-son qarorida taʼlim sohasini rivojlantirishga qaratilgan tahliliy va amaliy tadqiqotlar oʻtkazish, taʼlim jarayonida jahon ilm-fani va texnologiyalari yutuqlaridan keng foydalanish boʻyicha ilmiy ishlanmalar va tavsiyalar tayyorlash belgilangan. Mazkur qaror ijrosini ta’minlash yuzasidan Janubiy Koreyaning Milliy transport universiteti bilan hamkorlikda Koreya taʼlim vazirligining granti asosida maktablarning yuqori sinflarida 2026-2030 yillarda informatika va axborot texnologiyalari fani doirasida Sunʼiy intellekt va robototexnika asoslarini oʻqitishni takomillashtirish boʻyicha ODA grant loyihasini amalga oshirish rejalashtirilgan. Xususan, joriy yilning 6-yanvar kuni Toshkent shahridagi Turin politexnika universiteti, Ta’limni rivojlantirish respublika ilmiy-metodik markazi va Janubiy Koreyaning Milliy transport universiteti (KNUT) hamkorligida Sunʼiy intellekt va…

Unda TTPU rektori Olimjon To'ychiyev, prorektorlari, boshqarma va bo'lim boshlig'lari hamda barcha professor-o'qituvchilar, xodimlar ishtirok etdi. Yig'ilish avvalida Universitet jamoasi nomidan TTPU birinchi prorektori A.Ashurov dotsent ilmiy unvonini, Arxitektura va qurilish kafedrasi dotsenti D.Nazarova professor ilmiy unvonini olganliklari hamda Ma'naviyat va ma'rifat bo'limi boshlig'i F.Nabixanova Ilm-fan yo'nalishi bo'yicha Yil ayoli tanlovi go'libi bo'lganliklari e'tirof etilib, sovg'alar topshirildi. Shuningdek, tadbirda iqtidorli talabalar bilan ishlashni tashkil etish to'g'risidagi Nizom muhokama etilib, universitet eksplutatsiya ishlari bo'yicha, shuningdek, universitet tomonidan amalga oshirilayotgan ilmiy loyihalar, moliyaviy ishlar haqida yillik hisobotlar tinglandi. Yig'ilish so'ngida, Universitet rektori O.To'ychiyev barchani kirib kelayotgan yangi yil bilan qutlab, kelgusi faoliyatlarida…

Ma'ruzada sifat nazorati jarayonlari, xususan, ularning avtomobil ishlab chiqarishdagi ahamiyati, mahsulot xaridi chog‘ida e’tibor berilishi zarur bo‘lgan jihatlar hamda ishlab chiqarish jarayonlarida sifatni ta’minlashning samarali usullari haqida so‘z bordi. Tadbir so'ngida talabalar o'zlarining qiziqtirgan savollariga soha mutaxassisidan atroflicha javob olish imkoniyatiga ega bo'lishdi.

Joriy yilning 13-dekabr kuni Karamay shahrida joylashgan Xitoy neft universiteti-Pekin vitse-prezidenti va bosh moliya direktori Zhang Hongyan boshchiligidagi universitet delegatsiyasi Toshkent shahridagi Turin poltexnika universitetiga tashrif buyurdi. Tashrif doirasida degelatsiya a'zolari uchun universitet bo'ylab tur tashkil etilib, universitet faoliyati, xususan, o'quv va ilmiy sohalarda erishilgan yutuqlar, amalga oshirilayotgan loyihalar bilan tanishtirildi. Shuningdek, TTPU birinchi prorektori A.Ashurov, Moliyaviy-iqtisodiy ishlar va innovatsiyalar boʻyicha prorektori J.Yusupov va delegatsiya a'zolari ishtirokida uchrashuv bo'lib o'tdi. Unda Erasmus+ dasturi doirasida loyihalarni birgalikda amalga oshirish, xodimlar mobilligi va talabalar almashinuvi dasturini tashkil etish, birgalikda ilmiy tadqiqotlar olib borish yuzasidan muhokama etilib, kelgusida hamkorlik sohalarini kengaytirishga kelishib olindi.

Joriy yilning 12-dekabr kuni Toshkent shahridagi Turin politexnika universitetida Uber kompaniyasining katta dasturiy ta'minot muhandisi va xorazmiy.dev IT platformasi asoschisi Ulfat Abjabborovning "Kod ortidagi dunyolar: Dasturchining sayohati" mavzusidagi mehmon ma’ruzasi bo'lib o'tdi. Tadbir davomida Ulfat Abjabborov dasturlashning mohiyati, loyihalarda dasturlash tillarini qo'llash holatlari haqida ma'lumot berib, o'zining dunyoning yetakchi kompaniyalaridan birida orttirgan tajribalari bilan bo'lishdi. Tadbir yakunida, talaba yoshlar mavzuga doir o'zlarining qiziqtirgan savollariga batafsil javob olish imkoniyatiga ega bo'ldilar. Mazkur ma'ruza nafaqat talabalarning bilim va ko‘nikmalarini oshirish, balki ularning kasbiy maqsadlari sari yo‘l topishlarida ilhom bag‘ishlashga xizmat qildi.

Toshkent shahridagi Turin politexnika universitetida "Balcom Nihongo" kompaniyasi vakillari tomonidan "Yaponiyada karyera tomon ilk qadam" mavzusida seminar bo‘lib o‘tdi. Tadbir davomida Yaponiya davlati, uning madaniyati, ishlash imkoniyatlari hamda yapon tilini o‘rganishning zamonaviy usullari haqida batafsil ma’lumot berilib, Yaponiya mehnat bozorida talab katta bo‘lgan muhandislik sohasidagi mutaxassislar uchun mavjud bo‘lgan imkoniyatlarga alohida e’tibor qaratildi. 🔵Shuningdek, yangi ishlab chiqarilgan yapon tilini individual tarzda o‘rganishga moslashtirilgan "Balcom Nihongo" ilovasining taqdimoti bo‘lib o‘tdi.

Joriy yilning 10-dekabr kuni Toshkent shahridagi Turin politexnika universiteti rektori O.To'ychiyev va O‘zbekiston velosiped sporti federatsiyasining Toshkent shahar bo‘limi Bosh kotibi A.Abdurazzoqov ishtirokida uchrashuv bo'lib o'tdi. Unda o‘smirlar va yoshlar o’rtasida velosportni rivojlantirish, sport sohasida ta’lim sifatini ko’tarish, sport fanlari, sport infratuzilmasini rivojlantirish, qo‘shma sport tadbirlarini tashkil etish kabi masalalar muhokama qilinib, ushbu yo'nalishlarda ikki tomonlama hamkorlikni mustahkamlash bo'yicha o'zaro hamkorlik Memorandumi imzolandi.

Tashrif mobaynida, mehmon uchun Toshkent shahridagi Turin poltexnika universiteti rektori O.To'ychiyev tomonidan Universitet bo'ylab tur tashkil etildi. Unda oliy ta'lim muassasa faoliyati, ilmiy tadqiqot ishlari, talabalar tomonidan amalga oshirilayotgan loyihalar bilan tanishtirildi. Tadbir doirasida tashkil etilgan muzokara davomida ikki davlat o'rtasidagi hamkolik aloqalarini yanada mustahkamlash bo'yicha istiqboldagi rejalar muhokama etildi.

Toshkent shahridagi Turin politexnika universiteti hamda Olmazor tumani hokimligi tashabbusi bilan amalga oshirilayotgan “Digital Olmazor TechnoCamp” loyihasi doirasida tashkil etilgan ushbu 14 haftalik kurs davomida, o’quvchilar TTPUda koinot sir-sinoatlari, fazo kemalarining qanday ishlashi hamda astronomiya sohasining boshlang’ich bilimlarini egallash imkoniyatiga ega bo'ldilar. O’quvchilarning bilimga chanqoqligi ushbu kursni har bir darsini qaynoq atmasferada o’tishiga sabab bo’ldi!

Tadbirda Toshkent shahridagi Turin Politexnika universiteti vakillari, jumladan, birinchi prorektori A.Ashurov va Ichki ishlar vazirligi sohaviy xizmatlar, IIV Akademiyasi, Qurolli Kuchlar Akademiyasi, Huquqni muhofaza qilish Akademiyasi, Jamoat xavfsizligi universiteti, CYBER-BRO kiberxavfsizlik kompaniyasi, Universoft IT kompaniyasi bosh direktorlari, Malaka oshirish instituti professor-o‘qituvchilari hamda mas’ul xodimlari ishtirok etdi. Mazkur anjuman davomida ishtirokchilarning kiberjinoyatchilikka qarshi kurashishning huquqiy, tashkiliy, moliyaviy-iqtisodiy, muhandislik-texnik muammolari va yechimlarining dolzarb masalalariga oid fikr va mulohazalari eshitildi hamda taklif va tavsiyalari muhokama qilindi. 🔵Shuningdek, tadbir doirasida Toshkent shahridagi Turin politexnika universiteti va O‘zbekiston Respublikasi IIV Malaka oshirish instituti o‘rtasida ichki ishlar xodimlarini IT sohasiga yo‘naltirish, bilim va ko‘nikmalarini takomillashtirish masalalari…

Joriy yilning 2-dekabr kuni Muhammad al-Xorazmiy nomidagi Toshkent axborot texnologiyalari universitetida Huawei ICT 2024-2025 tanlovining mintaqaviy bosqichi ishtirokchilarini taqdirlash marosimi bo‘lib o‘tdi. Tanlov natijasiga ko'ra, Toshkent Turin universiteti Software Engineering yo‘nalishi 3-bosqich talabasi Qoriev Ayubxon, shuningdek, TATU, INHA va TKTI talabalari yuqori natijalarni ko‘rsatib, keyingi bosqichga muvaffaqiyatli yo‘l oldi. Keyingi bosqichga o‘tgan barcha ishtirokchilar munosib mukofotlar va sertifikatlar bilan taqdirlandi. Biz universitetimiz talabalarining erishayotgan yutuqlari bilan faxrlanamiz va ularga kelajakda yanada ulkan zafarlar tilaymiz!

Mehmonlar kutib olinib, universitet faoliyati, talabalar uchun yaratilgan shart-sharoitlar, professor-o'qituvchilar tomonidan amalga oshirilayotgan ilmiy tadqiqotlar va universitet talabalarining ishlanmalari bilan tanishtirildi. So'ngra, TTPU rektori O.To'ychiyev va delegatsiya a'zolari ishtirokida uchrashuv tashkil etildi. Uchrashuvda ilmiy tadqiqotlar ishlarini birgalikda olib borish, yangi qo'shma ta'lim dasturlarini tashkil etish masalalari muhokama qilinib, kelgusida o'quv va ilmiy yo'nalishlarda hamkorlik qilish bo'yicha kelishib olindi.